ICSI CS प्रवेशपत्र प्रसिद्ध

आयसीएसआय सीएस एक्झिक्युटिव्ह आणि प्रोफेशनल परीक्षा १ जून ते १० जून २०२५ दरम्यान घेतली जाईल. परीक्षेला बसणाऱ्या उमेदवारांनी हे लक्षात ठेवावे की प्रवेशपत्राची हार्डकॉपी पाठवली जाणार नाहीत. त्यामुळे शेवटच्या क्षणी होणारी गैरसोय टाळण्यासाठी त्वरित प्रवेशपत्र डाउनलोड करा, अशी सूचना इन्स्टिट्यूटने दिली आहे.

May 19, 2025 - 18:36 Updated: May 19, 2025 - 18:40

एज्युवार्ता न्यूज नेटवर्क

द इन्स्टिट्यूट ऑफ कंपनी सेक्रेटरीज ऑफ इंडिया (The Institute of Company Secretaries of India) ICSI ने आज, १९ मे रोजी icsi.edu या अधिकृत वेबसाइटवर CS एक्झिक्युटिव्ह आणि प्रोफेशनल परीक्षा २०२५ साठी प्रवेशपत्र प्रसिद्ध केले आहे. (Admit card released for CS Executive and Professional Exam 2025) जून सत्राच्या परीक्षेला बसणारे उमेदवार त्यांचा १७ अंकी नोंदणी क्रमांक टाकून प्रवेशपत्र डाउनलोड करू शकतात.

आयसीएसआय सीएस एक्झिक्युटिव्ह आणि प्रोफेशनल परीक्षा १ जून ते १० जून २०२५ दरम्यान घेतली जाईल. परीक्षेला बसणाऱ्या उमेदवारांनी हे लक्षात ठेवावे की प्रवेशपत्राची हार्डकॉपी पाठवली जाणार नाहीत. त्यामुळे शेवटच्या क्षणी होणारी गैरसोय टाळण्यासाठी त्वरित प्रवेशपत्र डाउनलोड करा, अशी सूचना इन्स्टिट्यूटने दिली आहे.

ई-प्रवेशपत्रासोबत जोडलेल्या सूचना काळजीपूर्वक वाचण्याचा सल्लाही देण्यात आला आहे. प्रवेश पत्राबाबत कोणतीही समस्या, विसंगती असल्यास विद्यार्थी संस्थेशी enroll@icsi.edu. या ई-मेल आयडीवर संपर्क साधू शकतात.

प्रवेशपत्र डाउनलोड केल्यानंतर विद्यार्थ्यांनी खालील तपशील काळजीपूर्वक तपासावेत

* नाव, छायाचित्र आणि स्वाक्षरी
* नोंदणी क्रमांक
* परीक्षेचा टप्पा (कार्यकारी/व्यावसायिक)
* परीक्षा केंद्राचे नाव, पत्ता आणि कोड
* अभ्यासक्रम, पर्यायी विषय आणि माध्यम
* परीक्षेच्या तारखा आणि वेळा

प्रवेशपत्र कसे डाउनलोड करावे

* सर्वप्रथम ICSI च्या अधिकृत वेबसाइट icsi.edu वर जा.
* होमपेजवर दिसणाऱ्या "एक्झिक्युटिव्ह आणि प्रोफेशनलसाठी ई-अ‍ॅडमिट कार्ड डाउनलोड करा" या लिंकवर क्लिक करा.
* १७ अंकी नोंदणी क्रमांक प्रविष्ट करा.
* "प्रवेशपत्र मिळवा" बटणावर क्लिक करा.
* स्क्रीनवर प्रवेशपत्र दिसेल, ते डाउनलोड करा आणि सुरक्षित ठेवा.