तरुणांनी राष्ट्र विकासासाठी उद्योजकतेकडे वळावे:डॉ.अशोक जोशी

एज्युवार्ता न्यूज नेटवर्क 

शाश्वत विकासातील समस्यांचे निराकरण करण्यासाठी आणि राष्ट्र विकासासाठी(national development)तरुणांनी उद्योजकते कडे वळावे,असे प्रतिपादन अमेरिकेतील नामवंत उद्योजक व शास्त्रज्ञ डॉ.अशोक जोशी (Entrepreneur and Scientist Dr.Ashok Joshi)यांनी केले. तसेच उद्योजकता, भविष्यातील विदेशामध्ये असलेल्या उपलब्ध संधी आणि भारत व अमेरिकेच्या आर्थिक प्रगतीची तुलना करत जागतिक स्तरावरील आर्थिक विकासावर जोशी यांनी विचार मांडले. 

शिरूर शिक्षण प्रसारक मंडळाच्या शिरूर येथील सी.टी.बोरा महाविद्यालयाच्या (CT Bora College, Shirur) भौतिकशास्त्र विभाग आणि युनिव्हर्सिटी ऑफ साउथ आफ्रिका यांच्या संयुक्त विद्यमाने आयोजित शाश्वत विकासातील समस्यांचे निराकरण व कौशल्य प्रशिक्षण या विषयावरील आंतरराष्ट्रीय इंडो-आफ्रिका या कार्यशाळेच्या उद्घानप्रसंगी जोशी बोलत होते. यावेळी संस्थेचे विश्वस्त प्रकाश बोरा , एम.आय.टी. वर्ल्ड पीस युनिव्हर्सिटी, पुणे येथील डॉ. भरत काळे, शिरूर शिक्षण प्रसारक मंडळाचे सचिव प्रा. नंदकुमार निकम , युनिव्हर्सिटी ऑफ साउथ आफ्रिकाचे प्रा. व्ही.एस. वल्लभपुरापू, प्रा. श्रीदेवी वल्लभपुरापू, महाविद्यालयाचे प्राचार्य डॉ. के.सी. मोहिते, तसेच युनिव्हर्सिटी ऑफ वेन्डा, साउथ आफ्रिका येथील डॉ. फुलुफेलो नेमंग्वेले आदी उपस्थित होते.

डॉ. भरत काळे यांनी  भविष्यातील वाहतुकीसाठी हायड्रोजन निर्मिती आणि त्याच्या शाश्वत उर्जेतील भूमिकेवर अभ्यासपूर्ण व्याख्यान दिले. प्रा.नंदकुमार निकम यांनी शाश्वतता समस्या, त्यावरील उपाययोजना, तसेच भावी पिढ्यांसाठी कौशल्यविकासाचे महत्त्व विशद केले.

महाविद्यालयाचे प्राचार्य डॉ. के.सी. मोहिते यांनी उपस्थित मान्यवर पाहुण्यांचे स्वागतपर प्रास्ताविक केले.या कार्यशाळेत सुमारे १२५ प्राध्यापक, संशोधक विद्यार्थी  सहभागी झाले. याप्रसंगी महाविद्यालयाचे उपप्राचार्य प्रा.एच.एस.जाधव, विज्ञान विद्याशाखाप्रमुख डॉ.एन. एम.घनगावकर उपस्थित होते. सूत्रसंचालन डॉ.सतीश पाटील यांनी केले.कार्यक्रमाचा समारोप डॉ. डी.एच. बोबडे (कार्यक्रमाचे समन्वयक) यांच्या आभार प्रदर्शनाने झाला.