पुणे विद्यापीठ : यंदा 'आविष्कार स्पर्धे'त विविध विभागांचाही सहभाग करण्यात येणार..

एज्युवार्ता न्यूज नेटवर्क

सावित्रीबाई फुले पुणे विद्यापीठात (Savitribai Phule Pune University) मागील १७ वर्षांपासून आविष्कार स्पर्धेचे आयोजन (Organizing an Avishkar competition) करण्यात येते. विद्यार्थ्यांमध्ये संशोधन वृत्ती वाढावी, तसेच संशोधनाला चालना मिळावी यासाठी आविष्कार आंतरविद्यापीठस्तरीय संशोधन स्पर्धा (Inter-university research competition) घेण्यात येते. या स्पर्धेसाठी दरवर्षी प्रमाणे यंदाही विद्यार्थ्यांचा चांगला प्रतिसाद मिळत आहे. विशेष म्हणजे विद्यापीठाने यंदा विविध विभागांनाही या स्पर्धेत सहभागी करून घेतले आहे. या स्पर्धेमुळे विद्यार्थ्यांच्या ज्ञानात विशेष भर पडले.

गृह विभागाचा मोठा निर्णय, पोलीस उपनिरीक्षक पदावर पदोन्नतीसाठी स्पर्धा परीक्षा लागू

विद्यापीठाशी संलग्न सर्व महाविद्यालय व विद्यापीठ कार्यक्षेत्रातील विभागप्रमुखांनी १३ सप्टेंबरपर्यंत विद्यार्थ्यांसाठी मार्गदर्शनपर कार्यशाळेचे आयोजन करायचे आहे. महाविद्यालय स्तरावरील स्पर्धा २० सप्टेंबरपर्यंत घेण्यात येणार असून, पुढील सात दिवसांत विभाग स्तरांवरील पात्र विद्यार्थ्यांची निवड होणार आहे, अशी माहिती आविष्कार संशोधन समितीने दिली आहे.

जागतिक पातळीवर आपला दर्जा उंचाविण्याच्या दृष्टीने संशोधनाला अधिक भर देत विद्यापीठाने यंदा आविष्कार स्पर्धेसाठी वाढीव निधी दिला आहे. विद्यापीठ व्यवस्थापन परिषदेचे सदस्य डॉ. देविदास वायदंडे यांच्या अध्यक्षतेखाली आविष्कार संशोधन समिती स्थापन करण्यात आली आहे. समितीने दिलेल्या शिफारशीनुसार नवीन कार्यपद्धती निश्चित केली आहे. यंदाच्या आविष्कार स्पर्धेत सहभागी विद्यार्थ्यांना विद्यापीठातील सायन्स व इनोव्हेशन पार्क इंक्युबॅशन सेंटर आणि अॅस्पायरसारख्या संशोधन प्रोत्साहन योजनांशी जोडून घेतले जाणार असल्याचे सांगण्यात आले आहे.

संशोधनांच्या उत्तेजनासाठी यंदा आविष्कार स्पर्धेचा निधी ४८ लाख रुपयांवरून १ कोटी केला. यातून सहभागी प्रत्येक महाविद्यालयाला दहा हजार देण्यात येणार आहेत. तसेच कॅम्पसमधील विभागाला देखील प्रत्येकी १० हजार रुपये मिळणार आहेत. विभागीय स्पर्धेसाठीचा निधी एक लाखवरून दीड लाख केला आहे. संशोधन समन्वयक नेमा आविष्कार स्पर्धेसाठी प्रत्येक महाविद्यालय आणि विभाग प्रमुखाने आपल्या संस्थेतील एका अनुभवी प्राध्यापकास संशोधन समन्वयक म्हणून नियुक्त करावे. विद्यार्थ्यांना प्रोत्साहित करून स्पर्धेत सहभागी होण्यासाठीची जबाबदारी देण्यात आली आहे.