डॉ.बाबासाहेब आंबेडकर चरित्र साधने प्रकाशन समितीच्या सचिवपदी डॉ.सुधाकर बोकेफोडे
राज्य शासनाने अध्यादेशाद्वारे २१ सदस्यांची नावे जाहीर केली असून समितीचा कालावधी हा पुढील ३ वर्षांसाठी निश्चित केला आहे. डॉ . सुधाकर बोकेफोडे हे सावित्रीबाई फुले पुणे विद्यापीठाच्या डॉ बाबासाहेब आंबेडकर अध्यासनाचे प्रमुख आहेत. तर डॉ सुनील भंडगे हे लोकशाहीर अण्णा भाऊ साठे अध्यासनाचे प्रमुख आहेत.
eduvarta@gmail.com 
एज्युवार्ता न्यूज नेटवर्क
महाराष्ट्र शासनाच्या डॉ बाबासाहेब आंबेडकर चरित्र साधने प्रकाशन समितीच्या सचिवपदी डॉ.सुधाकर बोकेफोडे व सदस्य म्हणून डॉ सुनील भंडगे यांची निवड झाली आहे. राज्य शासनाने अध्यादेशाद्वारे २१ सदस्यांची नावे जाहीर केली असून समितीचा कालावधी हा पुढील ३ वर्षांसाठी निश्चित केला आहे. डॉ . सुधाकर बोकेफोडे हे सावित्रीबाई फुले पुणे विद्यापीठाच्या डॉ बाबासाहेब आंबेडकर अध्यासनाचे प्रमुख आहेत. तर डॉ सुनील भंडगे हे लोकशाहीर अण्णा भाऊ साठे अध्यासनाचे प्रमुख आहेत.
विद्यापीठाच्या या दोन अध्यासन प्रमुखांच्या निवडीमुळे मा.कुलगुरू डॉ सुरेश गोसावी, प्र-कुलगुरु डॉ .पराग काळकर, प्रभारी कुलसचिव डॉ . प्रफुल्ल पवार तसेच विद्यापीठातील अन्य विभाग प्रमुखांनी डॉ .बोकेफोडे व डॉ . भंडगे यांचे अभिनंदन केले आहे.
बोकेफोडे हे सावित्रीबाई फुले पुणे विद्यापीठाचे माजी उपकुलसचिव आणि पिंपरी येथील 'एएसएम' इन्स्टिट्यूट ऑफ प्रोफेशनल स्टडीज संस्थेचे संचालक आहेत. त्यांनी वयाच्या ६६ व्या वर्षी दुस-यांदा पीएचडी पदवी प्राप्त केली होती. बोकेफोडे यांनी 'पुणे जिल्ह्यातील दलित चळवळ (१९५६ ते २०१०)' या विषयावरील शोध प्रबंध सादर केला होता. त्यांना डॉ. दीपक गायकवाड यांनी मुख्य मार्गदर्शक म्हणून तर डॉ. श्रद्धा कुंभोजकर यांनी सहमार्गदर्शक म्हणून संशोधनासाठी मार्गदर्शन केले होते.
