महावितरणमध्ये मोठी भरती : विद्युत सहाय्यक पदासाठी पुन्हा 'या' तारखेपर्यंत मुदतवाढ 

एज्युवार्ता न्यूज नेटवर्क 

काही दिवसांपुर्वी महावितरण कंपनीमध्ये (Mahavitaran Company) विद्युत सहायक (Electrical Assistant) पदांच्या एकूण 5 हजार 347 रिक्त जागांसाठी भरती प्रक्रिया (Recruitment process) सुरु झाली आहे. यामध्ये पदांनुसार पात्र असणाऱ्या उमेदवारांकडून अर्ज मागविण्यात येत आहेत. या भरती प्रक्रियेला पुन्हा एकदा २० मेपर्यंत मुदतवाढ (Extension till May 20) देण्यात आली आहे. त्यामुळे इच्छुक उमेदवारांनी अजूनही अर्ज भरला नसेल तर आत्ताच अधिकृत वेबसाइट www.mahadiscom.in/ वर जावून आपला ऑनलाइन पद्धतीने अर्ज पुर्ण करा. 

यापुर्वी देण्यात आलेली अर्ज भरण्याची मुदत संपली असून, उमेदवार व पालक यांच्याकडून होत असलेल्या मागणीचा विचार करुन ही तारिख पुन्हा एकदा २० मेपर्यंत वाढवण्यात आली आहे. महावितरण कंपनीमध्ये नोकरी करणाऱ्यांसाठी ही मोठी संधी उपलब्ध झाली आहे. राज्यभरात “विद्युत सहायक” पदांच्या एकूण 5 हजार 347 रिक्त जागा भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहेत. अर्ज करण्याची शेवटची तारीख २० मे २०२४ आहे. अर्ज ऑनलाइन पद्धतीने स्वीकारला जाणार आहे.

या भरती प्रक्रियेत एकुण 5 हजार 347 जागा आहेत. वयोमर्यादा – १८ ते २७ वर्षे देण्यात आली आहे. खुल्या प्रवर्गातील उमेदवारांसाठी – रु. २५० + GST तर  मागासवर्गीय, आर्थिकदृष्ट्या दुर्बल व अनाथ घटकांतील उमेदवारांसाठी – रु. १२५ + GST असे परीक्षा शुल्क आकारण्यात येत आहे. शैक्षणिक पात्रता पदाच्या आवश्यकतेनुसार असून त्यासाठी इच्छुक उमेदवारांनी मूळ जाहिरात वाचावी, असे आवाहन करण्यात आले आहे.