NIRF RANKING 2025: SPPU विद्यापीठाच्या रँकिंगमध्ये मोठी घसरण; डी.वाय. पाटील विद्यापीठ डेंटल विभागात चौथ्या क्रमांकावर

एज्युवार्ता न्यूज नेटवर्क 

नॅशनल इन्स्टिट्यूशनल रँकिंग फ्रेमवर्क (National Institutional Ranking Framework) अर्थात NIRF रँकिंग 2025 जाहीर झाले असून स्टेट युनिव्हर्सिटी कॅटेगिरीमध्ये (State University category)मागील वर्षी तिसऱ्या क्रमांकावर असणारे सावित्रीबाई फुले पुणे विद्यापीठ (Savitribai Phule Pune University)यंदा पहिल्या दहा विद्यापीठांच्या यादीमध्ये सुद्धा घेऊ शकले नाही. स्टेट युनिव्हर्सिटी कॅटेगिरीमध्ये जाधवपूर यूनिवर्सिटी पहिल्या क्रमांकावर असून अण्णा युनिव्हर्सिटी दुसऱ्या तर पंजाब युनिव्हर्सिटी तिसऱ्या क्रमांकावर आहे.

केंद्रीय शिक्षण विभागाच्या वतीने NIRF रँकिंग 2025 गुरूवारी जाहीर झाले आहे.केंद्रीय शिक्षण मंत्री धर्मेंद्र प्रधान, केंद्रीय राज्य शिक्षण मंत्री सुकांता मुजुमदार, उच्च शिक्षण विभागाचे प्रधान सचिव विनीत जोशी , एआयसीटीचे अध्यक्ष टी.जी. सिताराम, एनबीए अध्यक्ष अनिल सहस्रबुद्धे, अनिल नासा यांच्या उपस्थितीत स्टेट यूनिवर्सिटी रँकिंगची घोषणा करण्यात आली.

ओव्हर ऑल रँकिंग मध्ये इंडियन इन्स्टिट्यूट ऑफ टेक्नॉलॉजी मद्रास पहिल्या क्रमांकावर असून इंडियन इन्स्टिट्यूट ऑफ सायन्स बेंगलोर दुसऱ्या क्रमांकावर तर इंडियन इन्स्टिट्यूट ऑफ टेक्नॉलॉजी बॉम्बे तिसऱ्या क्रमांकावर आहे.महाराष्ट्रातील काही विद्यापीठांनी रँकिंगमध्ये चांगली कामगिरी राखली असून त्यात डी.वाय.पाटील विद्यापीठाने डेंटल विभागात चौथा क्रमांक मिळवला आहे. स्किल युनिव्हर्सिटी कॅटेगिरी मध्ये सिम्बॉयसिस स्किल्स अँड प्रोफेशनल युनिव्हर्सिटी पुणे पहिल्या क्रमांकावर असून सिम्बॉयसिस युनिव्हर्सिटी ऑफ अप्लाइड सायन्स इंदोर दुसऱ्या क्रमांकावर आहे. 

युनिव्हर्सिटी रँकिंगमध्ये इंडियन इन्स्टिट्यूट ऑफ सायन्स बंगलोर पहिल्या क्रमांकावर, जवाहरलाल नेहरू युनिव्हर्सिटी दुसऱ्या क्रमांकावर, मनीपाल अकॅडमी ऑफ हायर एज्युकेशन मणिपाल तिसऱ्या क्रमांकावर, जामिया मिलिया इस्लामिया न्यू दिल्ली चौथ्या क्रमांकावर, यूनिवर्सिटी ऑफ दिल्ली पाचव्या क्रमांकावर,  बनारस हिंदू युनिव्हर्सिटी सहाव्या क्रमांकावर, बिर्ला इन्स्टिट्यूट ऑफ टेक्नॉलॉजी अँड सायन्स पिलानी सातव्या क्रमांकावर, अम्रिता विश्वा विद्यापीठ कोइंबतूर आठव्या क्रमांकावर जाधवपूर यूनिवर्सिटी नव्या क्रमांकावर तर अलिगड मुस्लिम युनिव्हर्सिटी दहाव्या क्रमांकावर आहे.