धाडसी निर्णय : विद्यापीठाचा राज्यपाल, मंत्री, खासदार, आमदारांना दणका; तब्बल ११३ संस्थांचे प्रवेश रोखले

एज्युवार्ता न्यूज नेटवर्क

डॉ. बाबासाहेब आंबेडकर मराठवाडा विद्यापीठाने (Dr. Babasaheb Ambedkar Marathwada University) एक धाडसी निर्णय घेतला आहे. भौतिक सुविधा नसल्याचे चार जिल्ह्यातील तब्बल ११३ नामांकित महाविद्यालयाचे प्रवेश रोखण्याचा (Admissions to 113 colleges blocked) निर्णय घेण्यात आला आहे. विशेष म्हणजे यातील बहुमतांशी शिक्षण संस्था या राजकीय नेत्याशी संबंधित आहेत. यामध्ये राज्यपाल हरिभाऊ बागडे, मंत्री चंद्रकांत पाटील, पंकजा मुंडे, खासदार सु्प्रिया सुळे, रावसाहेब दानवे, राजेश टोपे यांच्यासह अनेक माजी मंत्री, खासदार, आमदार यांच्यासह विविध राजकीय पक्षातील नेत्यांच्या शिक्षण संस्थांचा यामध्ये (Including educational institutions of political leaders) समावेश आहे.

पुजा खेडकर यांना नाशिक विभागीय कार्यालयाचा दणका, 'नाॅन क्रिमिलेअर' प्रमाणपत्र रद्द..

संबंधित संस्थांनी प्राध्यापकांची नियुक्ती न करणे, कागदोपत्री नियुक्ती केल्यानंतर संबंधितांना वेतन न देणे, बायोमेट्रिक हजेरीसह भौतिक सुविधा नसताना पदव्युत्तर अभ्यासक्रम संबंधित महाविद्यालये चालवित होती. त्याची तीन सदस्यीय समितीने तपासणी केल्यानंतर बोगसपणा उघडकीस आला. विद्यापीठाच्या विद्यापरिषदेसह व्यवस्थापन परिषदेने 'नॅक' मूल्यांकन न केलेल्या महाविद्यालयांतील पदव्युत्तरचे प्रवेश थांबविण्याचा निर्णय घेण्यात आला.

त्यानुसार विद्यापीठ प्रशासनाकडून संलग्न महाविद्यालयांतील पदव्युत्तर अभ्यासक्रमाच्या भौतिक सुविधांची समितीमार्फत पाहणी करण्यात आली. त्यामध्ये १८७ पैकी तब्बल ११३ महाविद्यालयांत पूर्ण वेळ प्राध्यापकांची नियुक्ती नाही, कुठे नियुक्ती आहे, मात्र त्यांना वेतन दिले जात नाही, बायोमेट्रिक व इतर सुविधा नसल्याचे देखील आढळून आले. त्यामुळे या महाविद्यालयांतील १०० टक्के प्रवेश थांबविण्याचा ठराव विद्यापरिषदेच्या बैठकीत मंजूर केला. त्या निर्णयानुसार प्रवेश रोखण्याची कार्यवाही करण्यात आली आहे.

प्रवेश थांबविण्यात आलेल्या बहुतांश शिक्षणसंस्था राजकीय नेत्यांशी संबंधित आहेत. त्यामध्ये राजस्थानचे राज्यपाल हरिभाऊ बागडे, उच्च व तंत्र शिक्षणमंत्री चंद्रकांत पाटील, पर्यावरण मंत्री पंकजा मुंडे, माजी केंद्रीय राज्यमंत्री रावसाहेब दानवे, खासदार सुप्रिया सुळे, आमदार धनंजय मुंडे, आमदार सतीश चव्हाण, प्रकाश सोळंके, माजी मंत्री राजेश टोपे, जयदत्त क्षीरसागर, बसवराज पाटील, मधुकरराव चव्हाण, माजी खासदार उत्तमसिंह पवार, माजी आमदार भीमराव धोंडे यांच्यासह रमेश आडसकर, डॉ. योगेश क्षीरसागर, रमेश पोकळे, सुभाष सारडा, राजाभाऊ देशमुख यांच्यासह इतर राजकीय पक्षांशी संबंधित पदाधिकाऱ्यांचा समावेश आहे.