अल्पवयीन मुलासोबत शारीरिक संबंध ठेवलेल्या शिक्षिकेला 'या' अटींवर जामीन मंजूर

एज्युवार्ता न्यूज नेटवर्क

नुकतेच मुंबईतील एका नामांकित शाळेतील शिक्षिकेला अल्पवयीन विद्यार्थ्यावर लैंगिक अत्याचार (Sexual assault on a minor student) केल्याच्या आरोपाखाली अटक करण्यात आली होती. आता न्यायालयाने आरोपी शिक्षिकेला जामीन मंजूर (Teacher granted bail) केला आहे. आरोपी शिक्षिका आणि अल्पवयीन विद्यार्थ्यामध्ये दोघांच्या संमतीने शारीरिक संबंध (Consensual sexual intercourse) प्रस्थापित झाल्याचे पुराव्यांवरून स्पष्ट होत असल्याचे मत कोर्टाने नोंदवले आहे. आरोपी शिक्षिकेचा जामीन मंजूर करताना कोर्टाने काही अटी (Bail granted on conditions) घातल्या आहेत. आरोपी कोणत्याही पद्धतीने पीडित विद्यार्थ्याला भेटणार नाही तसेच त्याला धमकावणार नाही. साक्षीदारांना प्रत्यक्ष किंवा अप्रत्यक्षपणे भेटणार नाही किंवा त्यांना कोणतेही आश्वासन देणार नाही. आरोपी शिक्षिकेने अटींचे उल्लंघन केल्यास तिचा जामीन त्वरीत रद्द करण्यात येणार असल्याचे कोर्टाने म्हटले आहे.

पीडित विद्यार्थ्याचे वय 17 वर्षांहून अधिक आहे. तसेच, आरोपी शिक्षिकेने संबंधित शाळेचा राजीनामा दिल्याने आरोपी आणि विद्यार्थ्यामध्ये कोणतेच शारीरिक संबंध नाहीत. याव्यतिरिक्त, खटला सुरू होण्यास वेळ लागणार असल्याकारणाने यादरम्यान आरोपी शिक्षिकेला तुरंगात ठेवून काहीच उपयोग होणार नसल्याचे देखील कोर्टाने यावेळी म्हटले आहे. आरोपी शिक्षिकेच्या वकीलांनी युक्तीवाद करत म्हटले की, शिक्षिकेला खोट्या आरोपाखाली प्रकरणात अडकवण्यात आले आहे. तसेच, केवळ मराठीमध्ये अटकेचे कारण दिले असून शिक्षिकेला ही भाषा समजत नाही. त्यामुळे भाषेचे अनुवाद देखील करण्यात आला नसल्याचा आरोप करण्यात आला. आरोपी शिक्षिकेला त्यावर फक्त सही करण्याचे सांगण्यात आले होते. अशा प्रकारे शिक्षिकेची फसवणूक केल्याचे वकीलांनी कोर्टाच्या निदर्शनास आणून दिले.

पीडित विद्यार्थ्याच्या वकिलांनी शिक्षिकेच्या जामीनाला विरोध केला. त्यांच्या मते, शिक्षिकेला जामीन मिळाल्यास ती पीडित विद्यार्थ्याला धमकावून, घाबरवून त्याचा जीव धोक्यात घालू शकते. तसेच, आरोपी पुरावे सुद्धा नष्ट करण्याचा प्रयत्न करू शकते. त्यावेळी आरोपी शिक्षिकेला कठोर अटींसह जामीन मंजूर केल्याने पीडित विद्यार्थ्याला कोणताच धोका उद्भवू शकत नसल्याचे न्यायाधीशांनी स्पष्ट केले आणि जामीन मंजूर केला.