UPSC ने अभियांत्रिकी सेवा परीक्षा ढकलल्या पुढे
ESE प्राथमिक परीक्षा 9 फेब्रुवारी आणि मुख्य परीक्षा 22 जून रोजी निश्चित करण्यात आले होती. पण आयोगाने काल म्हणजे 18 ऑक्टोबर रोजी प्रसिद्ध केलेल्या अधिसूचनेनुसार या परीक्षा पुढे ढकलण्यात आल्या आहेत. तसेच अर्ज करण्याच्या आणि दुरुस्तीच्या तारखाही बदलण्यात आल्या आहेत.
eduvarta@gmail.com 
एज्युवार्ता न्यूज नेटवर्क
संघ लोकसेवा आयोग (Union Public Service Commission) UPSC अभियांत्रिकी सेवा परीक्षा (Engineering Services Examination 2025) ESE संदर्भात महत्वाची माहिती समोर येत आहे. आयोगाने ESE प्राथमिक आणि मुख्य परीक्षांच्या तारखा पुढे ढकलल्या आहेत. (ESE Prelims and Mains Exam Dates Postponed) परीक्षार्थी उमेदवारांना परीक्षेची तयारी करण्यासाठी पुरेसा वेळ मिळावा, या उद्देशाने आयोगाने ESE प्राथमिक परीक्षा 8 जून 2025 आणि ESE मुख्य परीक्षा 10 ऑगस्ट 2025 रोजी घेण्याचा निर्णय घेतला आहे.
याआधी, ESE प्राथमिक परीक्षा 9 फेब्रुवारी आणि मुख्य परीक्षा 22 जून रोजी निश्चित करण्यात आली होती पण आयोगाने काल म्हणजेच 18 ऑक्टोबर रोजी प्रसिद्ध केलेल्या अधिसूचनेनुसार, या परीक्षा पुढे ढकलण्यात आल्या आहेत. तसेच अर्ज करण्याच्या आणि दुरुस्तीच्या तारखाही बदलण्यात आल्या आहेत. या परीक्षेसाठी अर्ज प्राप्त करण्याची अंतिम तारीख 8 ऑक्टोबर 2024 होती. ती आता 22 नोव्हेंबर 2024 पर्यंत वाढवण्यात आली आहे.
अर्जदार 23 नोव्हेंबर ते 29 नोव्हेंबर या कालावधीत अर्जामध्ये त्यांचे तपशील बदलू शकतील. ज्या उमेदवारांनी 18 सप्टेंबर ते 8 ऑक्टोबर या कालावधीत आधीच अर्ज केला आहे त्यांना पुन्हा अर्ज करण्याची गरज नाही. आवश्यक असल्यास ते त्यांचे तपशील दुरुस्त करू शकतात.
