राष्ट्रीय शिक्षक पुरस्कार 2025 ची घोषणा: लातूर,नांदेड मधील दोन शिक्षकांची पुरस्कारासाठी निवड
मुंबई येथील ऍटोमिक एनर्जी सेंट्रल स्कूल क्रमांक दोन मधील शिक्षिका सोनिया विकास कपूर, नांदेड जिल्ह्यातील जिल्हा परिषद हायस्कूल अर्धापूर येथील डॉ.शेख मोहम्मद वाकूउद्दीन शेख हमीदोद्दीन आणि लातूर येथील दयानंद कॉलेज ऑफ आर्ट्स लातूर मधील डॉ. संदिपान जगदाळे यांची राष्ट्रीय शिक्षक पुरस्कार 2025 साठी निवड करण्यात आली आहे.
eduvarta@gmail.com 
एज्युवार्ता न्यूज नेटवर्क
केंद्र शासनाच्या शिक्षण मंत्रालयातर्फे शिक्षक दिनानिमित्त दिल्या जाणाऱ्या राष्ट्रीय शिक्षक पुरस्काराची घोषणा (National Teacher Award Announcement)करण्यात आली आहे. देशभरातील विविध राज्यांमधील 45 शिक्षकांची राष्ट्रीय शिक्षक पुरस्कार 2025 साठी निवड करण्यात आली असून त्यात महाराष्ट्रातील तीन शिक्षकांचा समावेश आहे. मुंबई येथील ऍटोमिक एनर्जी सेंट्रल स्कूल क्रमांक दोन मधील शिक्षिका सोनिया विकास कपूर (Sonia Vikas Kapoor)तर मराठवाड्यातील (Marathwada)नांदेड जिल्ह्यातील जिल्हा परिषद हायस्कूल अर्धापूर येथील डॉ.शेख मोहम्मद वाकूउद्दीन शेख हमीदोद्दीन (DR. SHAIKH MOHAMMAD WAQUIODDIN SHAIKH HAMIDODDIN)आणि लातूर येथील दयानंद कॉलेज ऑफ आर्ट्स लातूर मधील डॉ. संदिपान जगदाळे (Dr. Sandipan Jagdale)यांचा त्यात समावेश करण्यात आला आहे. प्रमाणपत्र,50 हजार रुपये रोख आणि सिल्वर मेडल, असे पुरस्काराचे स्वरूप आहे. सर्व पुरस्कार विजेत्या शिक्षकांना 3 ते 5 सप्टेंबर या कालावधी दिल्ली येथे बोलवण्यात आले आहे.
केंद्र शासनातर्फे दरवर्षी राष्ट्रपती यांच्या हस्ते शिक्षण क्षेत्रात उल्लेखनीय काम करणाऱ्या शिक्षकांना राष्ट्रीय शिक्षक पुरस्कार देऊन गौरविले जाते.दर वर्षी प्रमाणे यंदाही देशातील विविध राज्यांमधील 45 शिक्षकांना राष्ट्रीय शिक्षक पुरस्कार देण्यात येणार आहे. यंदा महाराष्ट्रातील माराठवाड्यातील शिक्षकांसाठी या पुरस्कारासाठी निवड करण्यात आली आहे.त्यामुळे शिक्षण क्षेत्रातून या शिक्षकांवर अभिनंदनाचा वर्षाव होत आहे.
