विद्यापीठातील 111 पदांची भरती प्रक्रिया रखडणार ; भरती न करण्याचे राज्यपाल कार्यालयाचे आदेश

एज्यूवार्ता न्यूज नेटवर्क 

सावित्रीबाई फुले पुणे विद्यापीठासह (Savitribai Phule Pune University) राज्यातील विविध विद्यापीठांमधील प्राध्यापकांच्या रिक्त पदांची भरती (Recruitment of faculty vacancies)प्रक्रिया सुरू आहे. पुणे विद्यापीठाकडे 111 पदांसाठी सहा हजाराहून अधिक अर्ज प्राप्त झाले असून सध्या विद्यापीठाकडून अर्जांची छाननी सुरू आहे. मात्र, त्यातच आता पुढील आदेश प्राप्त होईपर्यंत विद्यापीठाने प्राध्यापक भरती प्रक्रिया राबवू नये, (The university should not implement the faculty recruitment process)असे पत्र राज्यपाल कार्यालयाकडून विद्यापीठाला पाठविण्यात आले आहे.(The letter was sent to the university by the governor's office) विद्यापीठाच्या प्रभारी कुलसचिव डॉ.ज्योती भाकरे यांनी विद्यापीठाला या संदर्भातील पत्र मिळाले असल्याबाबत दुजोरा दिला आहे.

विद्यापीठाच्या 133 सहाय्यक प्राध्यापक भरतीची निवड यादी जाहीर

सावित्रीबाई फुले पुणे विद्यापीठासह राज्यातील विविध विद्यापीठांमधील विभागामधील तसेच संलग्न महाविद्यालयामधील रिक्त असलेल्या प्राध्यापक पदाची भरती प्रक्रिया सुरू आहे. हजारो उमेदवार विद्यापीठाकडून मुलाखतीसाठी केव्हा बोलवले जाते, याच्या प्रत्यक्ष आहेत. विद्यापीठामध्ये सुद्धा पूर्णवेळ प्राध्यापक नसल्याने कंत्राटी तत्त्वावर प्राध्यापकांची भरती करावी लागली आहे. विद्यापीठातील अनेक विभाग तसेच संलग्न महाविद्यालयांना प्राध्यापक नसल्याने अडचणी येत आहेत. सावित्रीबाई फुले पुणे विद्यापीठाचे नॅक मूल्यांकन येत्या फेब्रुवारी महिन्यात होणार आहे. विद्यापीठाकडे उपलब्ध असणाऱ्या मनुष्यबळाला नॅक मूल्यांकनात गुण दिले जातात. राज्यपाल कार्यालयाकडून प्राप्त झालेल्या पत्रामुळे विद्यापीठाला भरती प्रक्रिया थांबवावी लागणार असल्याचे दिसून येत आहे. त्यामुळे प्राध्यापक भरतीसाठी अर्ज केलेल्या उमेदवारांना आणखी काही महिने प्रतीक्षा करावी लागणार असल्याचे बोलले जात आहे. 

महाराष्ट्र लोकसेवा आयोगाप्रमाणे प्राध्यापक भरती प्रक्रियेत पारदर्शकता यावी, अशी मागणी वारंवार करण्यात आली. परंतु, त्यादृष्टीने उपाययोजना झाल्या नाहीत. प्राध्यापक भरती करण्यासाठी विद्यापीठ कायद्यामध्ये विशिष्ट तरतूद करण्यात आलेली आहे. भरती प्रक्रियेमध्ये बदल करण्यापूर्वी विद्यापीठ कायद्यात बदल करावा लागेल. त्यामुळे राज्यपाल कार्यालयाकडून प्राध्यापक भरती बाबत कोणता निर्णय घेतला जाणार ? याबद्दल उत्सुकता निर्माण झाली आहे.

--------------------------------------------------

प्राध्यापक भरती संदर्भात पुढील आदेश प्राप्त होईपर्यंत विद्यापीठाने प्राध्यापक भरती करू नये, अशा आशयाचे पत्र राज्यपाल कार्यालयाकडून विद्यापीठाला प्राप्त झाले आहेत.

- डॉ. ज्योती भाकरे, प्रभारी कुलसचिव, सावित्रीबाई फुले पुणे विद्यापीठ, पुणे