SPPU ललित कला केंद्रातील विद्यार्थ्यांचा अमेरिकेत डंका

एज्युवार्ता न्यूज नेटवर्क 

अमेरिकेतील Sundance Film Festival मध्ये यावर्षी भारतातील 'साबर बोंड' (Cactus Pears) या सिनेमाची निवड झालेली होती. या सिनेमात सावित्रीबाई फुले पुणे विद्यापीठाच्या (Savitribai Phule Pune University) ललित कला केंद्र विभागाचे भूषण भिंगारकर आणि सूरज शिंदे या दोन विद्यार्थ्यांनी प्रमुख भूमिका साकारल्या आहेत. तसेच दीपक लोळगे यांनी कॉस्च्युम्स केलेले आहे. या चित्रपटाला Sundance Film Festival मध्ये 'World Cinema Grand Jury Prize: Dramatic' हा पुरस्कार मिळाला आहे.

रोहन परशुराम कानवडे दिग्दर्शित 'साबर बोंडं (कॅक्टस पिअर्स)' २०२५ सनडान्स फिल्म फेस्टिवलमध्ये स्पर्धा करणारा भारतातील एकमेव चित्रपट ठरला आहे. प्रतिष्ठित फेस्टिवलमध्ये सामील होणारा पहिलाच मराठी भाषिक चित्रपट ठरत या चित्रपटाने इतिहास रचला आहे. सनडान्सच्या पडद्यावर आत्तापर्यंतचे पहिले मराठी फिचर आणि भारतीय विलक्षण वैशिष्ट्य असण्याबद्दल आणि हे पारितोषिक जिंकल्याबद्दल चित्रपटातील सर्व कलाकरांचे अभिनंदन करण्यात येत आहे. 

"साबर बोंडा" चित्रपटाच्या प्रिमिअर नंतर मनापासून आभार व्यक्त करत आहे. आमच्या दिग्दर्शक रोहन कानवडे यांचे मनापासून धन्यवाद. हा चित्रपट अनेकांच्या एकत्रित परिश्रमांचा परिणाम आहे, आणि मला या प्रवासाचा एक भाग होण्याचा अभिमान आहे. सर्वांना "साबर बोंडा" अनुभवायला खूप उत्सुक आहे, अशा भावना चित्रपटात काम करणाऱ्या कलाकारांकडून व्यक्त करण्यात आल्या आहेत.