लंडन येथील महाराष्ट्र मंडळातर्फे डॉ. विश्वनाथ कराड यांचा सत्कार
शिक्षणाच्या माध्यमातून विज्ञान आणि अध्यात्माचा संगम घडवून शिक्षण क्षेत्रात एक नवा आदर्श निर्माण करण्याचे कार्य डॉ. विश्वनाथ कराड यांनी केले आहे. या सर्व कार्यांची दखल घेऊन हा सत्कार केला आहे.
eduvarta@gmail.com 
एज्युवार्ता न्यूज नेटवर्क
एमआयटी वर्ल्ड पीस युनिव्हर्सिटीचे संस्थापक अध्यक्ष डॉ. विश्वनाथ कराड यांचा लंडन येथील महाराष्ट्र मंडळाने मानपत्र देऊन त्यांचा शनिवारी विशेष सत्कार केला. मंडळाचे अध्यक्ष वृषाल खांडके, संस्थापक विश्वस्त वैभव खांडगे आणि चेअर ट्रस्टी सुशिल गायकवाड यांनी पुण्यात येऊन एमआयटी डब्ल्यूपीयूमधील डॉ. कराड यांच्या कार्यालयात सत्कार केला. यावेळी एमआयटी डब्ल्यूपीयूचे कुलगुरू डॉ. आर.एम.चिटणीस उपस्थित होते.
भारत अस्मितेचे औचित्स साधून लंडन येथील महाराष्ट्र मंडळाने हा विशेष सत्कार केला आहे. डॉ. कराड यांनी आपले संपूर्ण आयुष्य शिक्षण, मानवता आणि संस्कार यांसाठी समर्पित केले. त्यांनी शिक्षणाच्या माध्यमातून विज्ञान आणि अध्यात्माचा संगम घडवून शिक्षण क्षेत्रात एक नवा आदर्श निर्माण करण्याचे मोठे कार्य केले आहे. या सर्व कार्यांची दखल घेऊन त्यांनी हा सत्कार केला आहे.
