मालाडमध्ये बदलापूरची पुनरावृत्ती! शाळेचा शिपाई आणि सीईओ यांच्यावर गुन्हा दाखल

एज्युवार्ता न्यूज नेटवर्क

बदलापूरमध्ये एका चिमुकलीवर स्कुल व्हॅनमध्ये अत्याचार करण्यात आला होता. ही घटना ताजी असतानाच मालाडमध्ये एका नामांकित शाळेतील शिपायाने ५ वर्षीय मुलीवर अत्याचार (5-year-old girl raped) केल्याची धक्कादायक घटना समोर आली आहे. या घटनेनंतर जाब विचारायला गेलेल्या पालकांना शाळेच्या संबंधित अधिकाऱ्याने धमकावले. त्यानंतर पालकांनी शाळेचा शिपाई आणि सीईओ यांच्या विरोधात मालाड पोलिसांत तक्रार (Complaint against school constable and CEO) दाखल केली. या घटनेने पालकवर्गातून संताप व्यक्त केला जात आहे. तर दिसरीकडे मुंबईत चिमुकल्यांच्या सुरक्षेचा मुद्दा पुन्हा एकादा ऐरणीवर (Security issue on the agenda) आला आहे. 

हेही वाचा - यवतमाळच्या शाळेत पाकिस्तानी गीत! स्नेहसंमेलनात "ये मर्द ये मुजाहिद, तेरी अल्गार क्या है" गाणे व नृत्य रंगले..

प्राथमिक माहितीनुसार, सदर घटना मुंबईतील मालाडमधील नामांकित शाळेत घडली आहे. ५ वर्षीय मुलीवर शाळेच्या शिपायाने धमकावून तिला धाक दाखवत तिच्यावर अत्याचार केले. मात्र, घाबरलेल्या मुलीने पालकांना याबद्दल काहीच सांगितले नाही.  पालकांना  मुलीच्या वागण्यात बदल जाणवला. या संशयावरून पालकांनी मुलीला विचारात घेऊन विचारपूस केली. त्यानंतर मुलीने तिच्यासोबत घडलेला धक्कादायक प्रकार सांगितला.  

त्यानंतर मुलीच्या सांगण्यावरून तिच्या पालकांनी थेट पोलीस ठाणे गाठले आणि तक्रार दाखल केली. घडलेल्या घटनेचा जाब विचारला गेलेल्या मुलीच्या पालकांना शाळेच्या अधिकाऱ्याकडून धमकावण्यात आले. मुलीच्या पालकांच्या तक्रारीवरून शाळेचा शिपाई अनिल पांचाळ (वय ३०) आणि शाळेचा सीईओ अनंत यज्ञीक (वय ६५) यांच्या विरोधात पोलिसांनी बीएनएस कलम ७४, ३५१ (२) आणि पोक्सो कलम १०,१७,२१ (२) अंतर्गत गुन्हा दाखल करण्यात आला असून दोन्ही आरोपींना अटक करण्यात आली आहे.