अखिल मल्लखांब स्पर्धेत पुणे विद्यापीठाचा डंका

एज्युवार्ता न्यूज नेटवर्क

सावित्रीबाई फुले पुणे विद्यापीठाच्या (Savitribai Phule Pune University) मुले व मुलींच्या संघाने अखिल भारतीय आंतरविद्यापीठ मल्लखांब स्पर्धेत (All India Inter-University Mallakhamb Competition) भाग घेतला होता. यामध्ये विद्यापीठाच्या संघाने चमकदार कामगिरी करत विद्यापीठाच्या नावलौकिकात भर घातली आहे. मध्य प्रदेशातील भोपाळ येथील एलएनसीटी विद्यापीठात (LNCT University in Bhopal, Madhya Pradesh) दि. ५ जानेवारी ते ८ जानेवारी २०२५ दरम्यान या स्पर्धेचे आयोजन करण्यात आले होते.

मुलांसाठीच्या मल्लखांब सांघिक स्पर्धेत विद्यापीठाच्या खेळाडूंनी प्रथम पटकावला असून मुलींच्या सांघिक मल्लखांब स्पर्धेत विद्यापीठास द्वितीय स्थान मिळाले आहे. यात वैयक्तिक सर्वसाधारण प्रथम विजेतेपद पल्लवी शिंदे या विद्यार्थिनीला मिळाले असून नेहा क्षीरसागर हिला वैयक्तिक सर्वसाधारण द्वितीय विजेतेसह तीन पारितोषिक प्राप्त झाले आहे.

पल्लवी शिंदे हिने पुरलेला मल्लखांब स्पर्धेत मुलींमध्ये तृतीय पारितोषिक प्राप्त झाले. पुरलेला मल्लखांब खेळ प्रकारात मुलांमध्ये कृष्णा आंबेकर यास द्वितीय, चेतन मानकरे यास तृतीय पारितोषिक प्राप्त झाले. मनोरे स्पर्धामध्ये विद्यापीठाच्या मुलींनी तृतीय क्रमांकाचे पारितोषिक प्राप्त केले आहे.  

सर्व विजेत्या खेळाडूंचे सावित्रीबाई फुले पुणे विद्यापीठाचे कुलगुरू प्रा.डॉ. सुरेश गोसावी, प्र - कुलगुरू प्रा.डॉ पराग काळकर, प्रभारी कुलसचिव प्रा.डॉ. ज्योती भाकरे यांनी आंनद व्यक्त करत शुभेच्छा दिल्या आहेत.