पुणे महापालिका देणार १० हजारांपेक्षा अधिक विद्यार्थ्यांना शिष्यवृत्ती
पुणे महापालिकेच्या वतीने २०२४ मध्ये दहावीमधील विद्यार्थ्यांना मौलाना अबुल कलाम आणि बारावीच्या विद्यार्थ्यांना लोकशाहीर अण्णा भाऊ साठे अर्थसहाय्य योजनेंतर्गत विशेष शिष्यवृत्ती दिली जाते.
eduvarta@gmail.com 
एज्युवार्ता न्यूज नेटवर्क
पुणे महापालिकेच्या (Pune Municipal Corporation) वतीने २०२४ मध्ये दहावीमधील विद्यार्थ्यांना मौलाना अबुल कलाम (Maulana Abul Kalam Scholarship) आणि बारावीच्या विद्यार्थ्यांना लोकशाहीर अण्णा भाऊ साठे अर्थसहाय्य योजनेंतर्गत (Democratic Anna Bhau Sathe Scholarship) विशेष शिष्यवृत्ती दिली जाते. या योजनेसाठी आलेल्या १३ हजार ६३८ अर्जापैकी १० हजारांपेक्षा अधिक विद्यार्थ्यांचे अर्ज पात्र ठरले आहेत. या योजनेसाठी अर्ज करण्यासाठी आणखीन सुद्धा ३१ जानेवारीपर्यंत मुदत (Deadline to apply is January 31st) असणार आहे.
संबंधित विद्यार्थ्यांच्या बँक खात्यात लवकरच रक्कम जमा होण्यास सुरुवात होणार असल्याची माहिती पालिकेच्या समाज विकास विभागाचे उपायुक्त नितीन उदास यांनी दिली. शहरातील विद्यार्थी शिक्षणापासून वंचित राहता कामा नये. यासाठी महापालिकेच्या शिक्षण मंडळामार्फत विविध योजना राबविल्या जातात.
त्याच उद्देशाने पालिकेच्या समाज विकास विभागातर्फे मनपा हद्दीत राहणाऱ्या विद्यार्थ्यांसाठी मागील अनेक वर्षापासून सुरू केलेली ही योजना आहे. यासाठी दहावी व बारावीमध्ये ८० टक्के गुण मिळवलेल्या खुल्या गटातील विद्यार्थी पात्र असणार आहेत. तसेच ७० टक्के गुण मिळवले पालिकेच्या शाळेतील विद्यार्थी, मागासवर्गीय ६५ टक्के गुण मिळवणारे विद्यार्थी, ४० टक्के अपंगत्व असलेल्या सर्व विद्यार्थ्यांना मौलाना अब्दुल कलाम आझाद योजनेंतर्गत ही शिष्यवृत्ती देण्यात येते.
इयत्ता दहावीमध्ये उत्तीर्ण झालेल्या विद्यार्थ्यांना पुढील शिक्षणासाठी १५ हजार रुपये आणि लोकशाहीर अण्णा भाऊ साठे योजनेंतर्गत बारावी उत्तीर्ण विद्यार्थ्यांना पुढील शिक्षणासाठी २५ हजार रुपये अर्थसहाय देण्यात येते. मौलाना अब्दुल कलाम कलाम आझाद योजनेसाठी १० हजार १४७ अर्ज आले आहेत. यातील दोन हजार अर्ज अपात्र, तर आठ हजार अर्ज पात्र ठरले आहेत.
