लाच घेणारी मुख्याध्यापिका निलंबित; फरकाच्या बिलासाठी घेतले पैसे

एज्युवार्ता न्यूज नेटवर्क 

गोंदिया जिल्ह्यातील ग्राम सातगाव येथील श्रीविद्या गर्ल्स हायस्कूलमधील (Shrividya Girls High School Tasgaon) मुख्याध्यापिका अजया जागेश्वर चुटे यांना शाळेतील एका चतुर्थश्रेणी कर्मचाऱ्याकडून फरकाच्या बिलाची रक्कम काढून देण्यासाठी लाच घेताना लाचलुचपत प्रतिबंधक विभागाने रंगेहाथ (Anti-corruption department takes action while bribe is being accepted) पकडले. या प्रकरणातील गांभीर्य लक्षात घेऊन संस्थेने मुख्याध्यापिका चुटे यांना निलंबित (Headmistress Chute suspended) केले आहे.

हेही वाचा - मुंबईतील शाळेत धक्कादायक प्रकार, वर्गमित्रानेच केला मित्रावर लैंगिक अत्याचार

आमगाव येथील श्री सरस्वती विद्या मंदिर या संस्थेद्वारे संचालित श्रीविद्या गर्ल्स हायस्कूल, सातगाव या शाळेत चुटे मुख्याध्यापिका पदावर कार्यरत होत्या. सोमवारी ५ जानेवारी रोजी शाळेतील चतुर्थ श्रेणी कर्मचारी अशोक वरगंटवार यांनी लाचलुचपत प्रतिबंधक विभागाकडे तक्रार दाखल केली होती. त्यानंतर लाच घेताना एका दुसऱ्या परिचरासह मुख्याध्यापिका चुटे यांना रंगेहाथ पकडण्यात आले. हे प्रकरण गंभीर स्वरुपाचे असून महाराष्ट्र खासगी शाळेतील कर्मचारी नियमावली १९८१ नुसार, चुटे यांना तत्काळ संस्था व शाळेच्या सेवेतून निलंबित केले आहे.

निलंबित कालावधीत संस्थेने निर्देशित केल्याशिवाय मुख्यालय सोडू नये. नियमानुसार वर्तन करावे, असे निर्देश दिले आहेत. संस्थेने निलंबन आदेशाची प्रत चुटे व्यतिरिक्त शिक्षण उपसंचालक, शिक्षण विभाग, नागपूर, शिक्षणाधिकारी जिल्हा परिषद, अधीक्षक, वेतन पथक कार्यालय यांना सादर केली आहे. यासह आदेशात शाळेचे सेवाज्येष्ठ शिक्षकांची शाळेच्या मुख्याध्यापक पदावर नियुक्ती करण्यात आली आहे.