बदलापूर शाळा अत्याचार प्रकरणातील सह आरोपीला नगरसेवक पदाची लॉटरी
बदलापूर शहरातील एका नामांकित शाळेत दोन वर्षांपूर्वी दोन चिमुकल्यांवर लैंगिक अत्याचार प्रकरणामुळे संपूर्ण देश हादरला होता. एवढे होऊन संस्थेचे तत्कालीन सचिव तुषार आपटे यांनी पोलिसांत तक्रार दाखल करण्यास असमर्थता दाखवली होती. त्यामुळे त्यांच्यावर सहआरोप म्हणून गुन्हा नोंद करण्यात आला होता. आता याच तुषार आपटेला भाजपने स्विकृत नगरसेवकपदी संधी दिली आहे.
eduvarta@gmail.com 
एज्युवार्ता न्यूज नेटवर्क
बदलापूरमधील शाळेत (Badlapur School sexual assault) शिकणाऱ्या दोन चिमुरड्या मुलींचं लैंगिक शोषण (Sexual abuse of two young girls) करण्याच्या विकृत प्रकरणात सह आरोपी असलेल्या तुषार आपटे (Tushar Apte, nominated corporator) याला भाजपने बदलापूर-कुळगाव नगरपालिकेत स्वीकृत नगरसेवकपद दिल्यानंतर संतापाची प्रचंड लाट उसळली आहे. याविरोधात आता महाराष्ट्र नवनिर्माण सेनेचे ठाणे जिल्हाध्यक्ष अविनाश जाधव यांनीही आक्रमक भूमिका घेतली आहे. भाजपने तुषार आपटे याच्या स्वीकृत नगरसेवकपदाचा तातडीने राजीनामा घेतला नाही तर येत्या 13 किंवा 14 जानेवारीला मनसे बदलापूरमध्ये मोर्चा काढेल आणि आंदोलन करेल, असा इशारा अविनाश जाधव यांनी दिला आहे.
बदलापूर शहरातील एका नामांकित शाळेत दोन वर्षांपूर्वी दोन चिमुकल्यांवर लैंगिक अत्याचार प्रकरणामुळे संपूर्ण देश हादरला होता. एवढे होऊन संस्थेचे तत्कालीन सचिव तुषार आपटे यांनी पोलिसांत तक्रार दाखल करण्यास असमर्थता दाखवली होती. त्यामुळे त्यांच्यावर सहआरोप म्हणून गुन्हा नोंद करण्यात आला होता. आता याच तुषार आपटेला भाजपने स्विकृत नगरसेवकपदी संधी दिली आहे.
बदलापूर शहरासह राज्याला हादरवणाऱ्या दोन चिमुकल्या मुलांच्या लैंगिंक अत्याचार प्रकरणाने शाळेतील मुलींच्या सुरक्षिततेचा प्रश्न ऐरणीवर आणला होता. या प्रकरणी शाळेचे अध्यक्ष, सचिव यांनाही आरोपी करण्यात आले होते. बालकांच्या लैंगिक अत्याचार प्रकरणात तक्रार देण्यास असमर्थ ठरल्याच्या २१ (२) या कलमाखाली शाळेच्या संस्थाचालकांवर गुन्हा दाखल करण्यात आला होता. तर या प्रकरणातील मुख्य आरोपी अक्षय शिंदे याचा तथाकथित चकमकीत मृत्यू झाला होता. या प्रकरणावरून मोठे राजकारणही रंगले होते. यात संस्थेचे सचिव तुषार आपटे हे ४४ दिवसांनी पोलिसांच्या हाती लागले होते. त्यांना त्यानंतर ४८ तासात जामिनही मिळाला होता. हे प्रकरण सध्या न्यायालयाच्या अधिन आहे.
----‐-----------------------------------------
बदलापूर बाललैंगिक अत्याचार प्रकरणातील आरोपीला स्वीकृत नगरसेवक म्हणून संधी देऊन भाजपने आपले प्राधान्य कशाला आहे हे स्पष्ट केले आहे. बालके आणि महिलांच्या सुरक्षेला कोणत्याही सरकारचे प्राधान्य असायला हवे. परंतु भाजपाने पोस्को कायद्याचा ठपका असलेल्या व्यक्तीला स्वीकृत नगरसेवक म्हणून संधी देऊन असंवेदनशीलतेचा कळस गाठला आहे. आम्ही याचा तीव्र शब्दांत निषेध करते.
खासदार सुप्रिया सुळे
