CET Cell:इंजिनिअरिंग प्रवेशासाठी 26 जुलैला ऑप्शन फॉर्म भरता येणार; प्रवेशाचे वेळापत्रक प्रसिध्द

एज्युवार्ता न्यूज नेटवर्क 

राज्य सामायिक प्रवेश परीक्षा कक्षातर्फे (State Common Entrance Test Chambers) इंजिनिअरिंगच्या विद्यार्थ्यांची (Engineering students)अंतिम गुणवत्ता यादी प्रसिद्ध (Final merit list published) करण्यात आली असून  2025-26 या शैक्षणिक वर्षातील इंजिनिअरिंग अभ्यासक्रमाच्या प्रवेश प्रक्रियेचे वेळापत्रक प्रसिद्ध करण्यात आले आहे. त्यानुसार पहिल्या प्रवेश फेरीसाठी विद्यार्थ्यांना 26 ते 28 जुलै या कालावधीत ऑप्शन फॉर्म भरता येणार आहे. पहिल्या प्रवेश फेरीचे अलॉटमेंट 31 जुलै रोजी प्रसिद्ध केले जातील. विद्यार्थी 1 ऑगस्ट ते 3 ऑगस्ट या कालावधीत अलॉट झालेल्या महाविद्यालयात प्रवेश घेऊ शकतील. त्यामुळे गेल्या अनेक दिवसांपासून प्रतीक्षेत असलेल्या विद्यार्थ्यांना लवकरच इंजिनिअरिंगसाठी प्रवेश मिळणार आहे.

अभियांत्रिकी प्रवेशासाठी दुसरी फेरी 4 ऑगस्ट पासून सुरू होईल 4 ऑगस्ट रोजी दुसऱ्या फेरीसाठी उपलब्ध असलेल्या जागा प्रसिद्ध केल्या जातील. त्यानुसार विद्यार्थी 5 ऑगस्ट ते 7 ऑगस्ट या कालावधीत ऑप्शन फॉर्म भरून अर्ज कन्फर्म करू शकतील 11 ऑगस्ट रोजी दुसऱ्या फेरीची यादी व ॲलॅटमेंट प्रसिद्ध केली जाईल. प्रवेश मिळालेल्या विद्यार्थ्यांना 12 ते 14 ऑगस्ट या कालावधीत संबंधित महाविद्यालयात प्रवेश घेता येईल.

CET Cell : प्रवेश प्रक्रियेतील अडचणी सोडवण्यासाठी राज्यात ३६ 'विद्यार्थी सहाय्यता केंद्र' सुरू

तिसऱ्या फेरीसाठी 16 ऑगस्ट रोजी उपलब्ध जागा प्रसिद्ध केल्या जातील. विद्यार्थ्यांना 17 ऑगस्ट ते 19 ऑगस्टपर्यंत ऑनलाईन पसंती क्रम नोंदवता येतील. तिसऱ्या फेरीसाठी 22 ऑगस्ट रोजी प्रवेश यादी व ॲलिटमेंट प्रसिद्ध करण्यात येईल. विद्यार्थी 23 ते 25 ऑगस्ट या कालावधीत तिसऱ्या फेरीसाठी प्रवेश घेऊ शकतील. चौथी फेरी 26 ऑगस्ट पासून सुरू केली जाणार आहे. 26 ऑगस्ट रोजी विद्यार्थ्यांना रिक्त जागांची माहिती समजू शकेल. त्यानंतर 28 ते 30 ऑगस्ट या कालावधीत विद्यार्थी महाविद्यालयांचे पसंतीक्रम नोंदवू शकतील विद्यार्थ्यांना एक सप्टेंबर रोजी चौथ्या फेरीतून प्रवेश याबाबतचे महाविद्यालय अलर्ट केले जाईल. विद्यार्थ्यांना चौथ्या फेरीतून दोन सप्टेंबर ते 4 सप्टेंबर या कालावधीत प्रवेश घेता येईल.तसेच संस्था स्तरावरील प्रवेश या संदर्भातील माहिती सीईटी असेल तर्फे प्रसिद्ध करण्यात आलेल्या वेळापत्रकात उपलब्ध आहे.

 पहिल्या फेरीतील प्रवेश 
*25 जुलै रोजी रिक्त जागा समजणार 
*26 ते 28 जुलै रोजी ऑप्शन फॉर्म भरता येणार 
*31 जुलै रोजी पहिल्या फेरीचे अलॉटमेंट जाहीर होणार 
*पहिल्या फेरीअंतर्गत एक ऑगस्ट ते तीन ऑगस्ट या कालावधीत प्रवेश घेता येणार 

दुसरी प्रवेश फेरी 

*दुसऱ्या फेरीसाठी 4 ऑगस्ट रोजी रिक्त जागाची माहिती समजणार
*विद्यार्थी पाच ते सात ऑगस्टपर्यंत ऑप्शन फॉर्म भरू शकतील.
*11 ऑगस्ट रोजी दुसऱ्या फेरीचे अलॉटमेंट जाहीर होणार 
*विद्यार्थी 12 ते 14 ऑगस्ट या कालावधीत कॉलेजमध्ये जाऊन प्रवेश घेऊ शकतील.

तिसरी फेरी 

*तिसऱ्या फेरीसाठी 16 ऑगस्ट रोजी रिक्त जागांची माहिती उपलब्ध होईल.
*विद्यार्थी 17 ते 19 ऑगस्ट पर्यंत ऑप्शन फॉर्म भरू शकतील. 
*22 ऑगस्ट रोजी प्राप्त महाविद्यालयात प्रवेश घेऊ शकतील. 

चौथी फेरी 
*चौथ्या फेरीसाठी 26 ऑगस्ट रोजी रिक्त जागांची माहिती प्रसिद्ध होईल.
*28 ते 30 ऑगस्ट पर्यंत विद्यार्थी ऑप्शन फॉर्म भरू शकतील. 
 *1 सप्टेंबर रोजी कॉलेज अलॉटमेंट लिस्ट प्रसिद्ध होईल. 
विद्यार्थी त्यानुसार दोन ते चार सप्टेंबर या कालावधीत कॉलेजमध्ये जाऊन प्रवेश घेऊ शकतील.