नंदूरबार, गोंदिया जिल्ह्यात नर्सिंग काॅलेज; केंद्रीय आरोग्यमंत्र्यांची घोषणा 

एज्युवार्ता न्यूज नेटवर्क

देशभरात १०० नवीन नर्सिंग शासकिय महाविद्यालयांची भर पडणार आहे. त्यापैकी दोन नर्सिंग महाविद्यालय महाराष्ट्रात सुरू केले (Establishment of two nursing colleges) जाणार आहेत. राज्यातील गोंदिया आणि नंदुरबार या जिल्ह्यामध्ये ही महाविद्यालये सुरू (Colleges to be opened in Gondia and Nandurbar districts) केली जाणार आहेत. यात गोंदियात १९५ कोटी रुपयांच्या निधीतून आणि नंदुरबारमध्ये ३२५ कोटींतून हे ते स्थापित केले जातील, अशी घोषणा केंद्रीय आरोग्य मंत्री जेपी नड्डा (JP Nadda) यांनी केली आहे. 

महाराष्ट्रास १० नवीन वैद्यकीय महाविद्यालये देण्यात आली असून, त्यात आणखी एकाची भर पडत आहे. एमबीबीएसच्या ७०० जागा वाढल्या आहेत. नागपूर, मुंबईसह ६ ठिकाणी नवीन वैद्यकीय महाविद्यालयांसोबत १०० नवी नर्सिंग कॉलेज सुरू केले जातील, असे केंद्रीय आरोग्य व कुटुंब कल्याणमंत्री जे. पी. नड्डा म्हणाले. 
शासकीय कर्करोग रुग्णालयातील टू बीम युनिट, कर्करोग रुग्णालयाच्या विस्तारित भागाचे नड्डा यांच्या हस्ते लोकार्पण झाले. याप्रसंगी ते बोलत होते. 

नड्डा म्हणाले, हे सरकार कॅन्सरच्या प्रतिबंधावर, स्क्रिनिंगवर व वार्धक्यशास्त्रावरही भर देत आहे. प्रत्येक जिल्ह्यात आगामी ३ वर्षात 'डे केअर सेंटर' सुरू करण्याचे लक्ष्य निर्धारित केले आहे. यावर्षी २०० 'डे केअर सेंटर' सुरू करीत असून, त्यात महाराष्ट्रालाही प्राधान्यक्रम असेल, अशी माहिती त्यांनी दिली.