ACM पुणे प्रोफेशनल Chapterच्या अध्यक्षपदी SPPU मधील डॉ.नितीन पाटील यांची निवड
प्रा. नितीन पाटील हे संगणकशास्त्र शिक्षण, डिजिटल परिवर्तन आणि माहिती तंत्रज्ञान व्यवस्थापन क्षेत्रातील अनुभवी तज्ज्ञ आहेत. विद्यापीठाच्या विविध तांत्रिक उपक्रमांचे ते नेतृत्व करत असून, संशोधन व नवोपक्रम या क्षेत्रात त्यांनी उल्लेखनीय कार्य केले आहे.
eduvarta@gmail.com 
एज्युवार्ता न्यूज नेटवर्क
संगणकशास्त्र आणि तंत्रज्ञान क्षेत्रातील व्यावसायिकांना एकत्र आणण्यासाठी कार्यरत असलेल्या ACM पुणे प्रोफेशनल Chapter च्या अध्यक्षपदी सावित्रीबाई फुले पुणे विद्यापीठातील संगणकशास्त्र विभागाचे सहाय्यक प्राध्यापक आणि आयटी सेवा संचालक (Director – IT Services) प्रा. नितीन पाटील यांची एकमताने निवड करण्यात आली आहे.
ही निवड विद्यापीठाच्या तंत्रज्ञान विभागात झालेल्या बैठकीत जाहीर करण्यात आली. ACM (Association for Computing Machinery) हे संगणक व्यावसायिकांचे जागतिक संघटन असून, त्याचा पुणे प्रोफेशनल Chapter हे तांत्रिक उत्कृष्टता, संशोधन आणि व्यावसायिक नेटवर्किंगला चालना देणारे एक प्रभावी व्यासपीठ आहे.
प्रा. नितीन पाटील हे संगणकशास्त्र शिक्षण, डिजिटल परिवर्तन आणि माहिती तंत्रज्ञान व्यवस्थापन क्षेत्रातील अनुभवी तज्ज्ञ आहेत. विद्यापीठाच्या विविध तांत्रिक उपक्रमांचे ते नेतृत्व करत असून, संशोधन व नवोपक्रम या क्षेत्रात त्यांनी उल्लेखनीय कार्य केले आहे.त्यांच्या नेतृत्वाखाली या Chapter च्या माध्यमातून तांत्रिक कार्यशाळा, संशोधन संवाद, उद्योग–अकॅडमीया सहकार्य, आणि स्टार्टअप संस्कृती यांना नवी दिशा मिळेल, अशी अपेक्षा व्यक्त करण्यात आली आहे.
नितीन पाटील म्हणाले, “ACM पुणे प्रोफेशनल Chapter हा केवळ तांत्रिक मंच नसून, तो शिक्षण, उद्योग आणि संशोधन यांना जोडणारा एक सेतू आहे. या माध्यमातून आम्ही ज्ञानविनिमय, नाविन्यपूर्ण कल्पना आणि व्यावसायिक सहकार्य यांना नवीन गती देणार आहोत.”
