वैद्यकीय अभ्यासक्रमाच्या दोन फेऱ्या पूर्ण, तिसऱ्या फेरीसाठी जागा रिक्त

एज्युवार्ता न्यूज नेटवर्क

वैद्यकीय अभ्यासक्रमाच्या (Medical courses) प्रवेशाची दुसरी फेऱ्या पूर्ण झाल्या आहेत. मात्र पहिल्या फेरीच्या तुलनेत दुसऱ्या फेरीला अल्प प्रतिसाद मिळाल्याचे दिसून येत आहे. पहिल्या फेरीत वैद्यकीय अभ्यासक्रमाला ६ हजार ८४८ विद्यार्थ्यांनी प्रवेश घेतले होते. तर दुसऱ्या फेरीमध्ये अवघे ८५१ विद्यार्थानी प्रवेश घेतले असून, तिसऱ्या फेरीसाठी ६३६ जागा रिक्त (636 seats vacant for the third round) राहिल्या आहेत. त्यामुळे आता तिसऱ्या फेरीकडे (Medical course third round) सर्वांचे लक्ष लागून राहिले आहे. 

शिक्षक बदलीचा खेळ थांबवा, अन्यथा उद्रेक होईल; बच्चू कडू

वैद्यकीय अभ्यासक्रमाच्या पहिल्या फेरीसाठी ८ हजार १३८ जागा उपलब्ध होत्या. त्यापैकी ६ हजार ८४८ विद्यार्थ्यांनी प्रवेश घेतले आहेत. त्यामुळे दुसऱ्या फेरीसाठी १ हजार २९० जागा रिक्त राहिल्या होत्या. मात्र दुसऱ्या फेरीपूर्वी राष्ट्रीय आयुर्विज्ञान आयोगाअंतर्गत असलेल्या वैद्यकीय समुपदेशन समितीने राज्यामध्ये खासगी व सरकारी महाविद्यालयांतर्गत २०० जागांना मान्यता दिली. त्यामुळे दुसऱ्या फेरीमध्ये प्रवेशासाठी १ हजार ४९० जागा उपलब्ध झाल्या. त्यापैकी ८५१ विद्यार्थ्यांनी प्रवेश घेतल्याने आता तिसऱ्या फेरीसाठी ६३६ जागा रिक्त राहिल्या आहेत.

दुसऱ्या फेरीत प्रवेश मिळून देखील ५४९ विद्यार्थ्यांनी प्रवेश नाकारले आहेत. यामध्ये सरकारी महाविद्यालयांमध्ये ८६, तर खासगी महाविद्यालयामध्ये ४६३ विद्यार्थ्यांनी प्रवेश नाकारले. दुसऱ्या फेरी दरम्यान ११ विद्यार्थ्यांनी घेतलेले प्रवेश रद्द केले. त्यामुळे वैद्यकीय अभ्यासक्रमााच्या तिसऱ्या फेरीसाठी ६३६ जागा रिक्त राहिल्या असून, यामध्ये खासगी महाविद्यालयांमध्ये ४६८, तर सरकारी महाविद्यालयांमध्ये १६८ जागा रिक्त राहिल्या आहेत.