नाबार्ड सहाय्यक व्यवस्थापक भरतीचे प्रवेशपत्रे प्रसिद्ध, 1 सप्टेंबर रोजी परीक्षा 

एज्युवार्ता न्यूज नेटवर्क 

नाबार्ड सहाय्यक व्यवस्थापक भरतीसाठी (NABARD Assistant Manager Recruitment) अर्ज केलेल्या उमेदवारांसाठी महत्त्वाची अपडेट समोर आली आहे. नॅशनल बँक ऑफ ॲग्रिकल्चर अँड रुरल डेव्हलपमेंटने (NABARD) ग्रेड ए अंतर्गत असिस्टंट मॅनेजरच्या पदांवर नियुक्तीसाठी आयोजित केलेल्या प्राथमिक परीक्षेला (प्रिलिम्स) उपस्थित राहण्याच्या सूचना दिल्या आहेत.या भरतीसाठी अर्ज केलेल्या उमेदवारांचे हॉल तिकीट प्रसिद्ध (Admit cards released) करण्यात आले आहेत. उमेदवार अधिकृत वेबसाइट nabard.org वरून हॉल तिकीट डाउनलोड करू शकतात. 

नाबार्ड ग्रेड A सहाय्यक व्यवस्थापक भरतीचे प्रवेशपत्र डाउनलोड करण्यासाठी अधिकृत वेबसाइट nabard.org ला भेट द्या. यानंतर उमेदवारांना करिअर विभागात जावे लागेल.  जेथे सक्रिय करण्यात आलेल्या लिंकवरून  उमेदवार थेट प्रवेशपत्र डाउनलोड पृष्ठावर जाऊ शकतात. या पृष्ठावर, उमेदवारांना त्यांचा नोंदणी क्रमांक आणि पासवर्डचा तपशील वापरून तो सबमिट करावा लागेल. यानंतर उमेदवार त्यांचे प्रवेशपत्र डाउनलोड करून प्रिंट काढू शकतात. 

प्रवेशपत्र डाउनलोड केल्यानंतर उमेदवारांनी त्यावर नमूद केलेले त्यांचे तपशील (नाव, आई/वडिलांचे नाव, जन्मतारीख, छायाचित्र इ.) तपासावे. यामध्ये काही त्रुटी आढळल्यास ताबडतोब नाबार्डच्या हेल्पलाइनवर संपर्क साधावा, असे सांगण्यात आले आहे. नाबार्डने ग्रेड अ असिस्टंट मॅनेजर भरतीसाठी घेण्यात येणाऱ्या प्रिलिम्स परीक्षेची तारीख जाहीर केली आधीच जाहीर केली आहे. अधिसूचनेनुसार, प्राथमिक परीक्षा 1 सप्टेंबर रोजी होणार आहे.