मुंबई महापालिकेद्वारे ६९० पदांसाठी राबवलेल्या भरती परीक्षांच्या तारखा जाहीर
प्रसिद्ध करण्यात आलेल्या वेळापत्रकानुसार दुय्यम अभियंता (यांत्रिकी व विद्युत) पदासाठी ९ फेब्रुवारी, कनिष्ठ अभियंता (यांत्रिकी व विद्युत) पदासाठी २ मार्च, कनिष्ठ अभियंता (स्थापत्य) पदासाठी ३ व ८ मार्च आणि दुय्यम अभियंता (स्थापत्य) पदासाठी ९ मार्च २०२५ रोजी परीक्षा पार पडणार आहेत.
eduvarta@gmail.com 
एज्युवार्ता न्यूज नेटवर्क
बृहन्मुंबई महानगरपालिके अंतर्गत अभियंता (BMC Engineer Recruitment) पदांच्या 690 जागांसाठी राबवण्यात येत असलेल्या भरती प्रक्रियेसाठी घेण्यात येणाऱ्या परीक्षांच्या तारखा जाहीर (Exam schedule announced) करण्यात आल्या आहेत. प्रसिद्ध करण्यात आलेल्या वेळापत्रकानुसार दुय्यम अभियंता (यांत्रिकी व विद्युत) पदासाठी ९ फेब्रुवारी, कनिष्ठ अभियंता (यांत्रिकी व विद्युत) पदासाठी २ मार्च, कनिष्ठ अभियंता (स्थापत्य) पदासाठी ३ व ८ मार्च आणि दुय्यम अभियंता (स्थापत्य) पदासाठी ९ मार्च २०२५ रोजी परीक्षा पार पडणार आहेत.
या भरती मोहिमेअंतर्गत कनिष्ठ अभियंता (स्थापत्य), कनिष्ठ अभियंता (मेकॅनिकल आणि इलेक्ट्रिकल), दुय्यम अभियंता (स्थापत्य), दुय्यम अभियंता (यांत्रिकी आणि विद्युत) पदांच्या एकूण 690 रिक्त जागा भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज करण्याची अंतिम मुदत 16 डिसेंबर 2024 पर्यंत देण्यात आली होती.
गट 'क' मध्ये येणाऱ्या कनिष्ठ अभियंता (स्थापत्य) आणि कनिष्ठ अभियंता (यांत्रिकी व विद्युत) या पदाच्या एकूण अनुक्रमे २५० आणि १३० जाग भरल्या जाणार आहेत. तर गट 'ब' मध्ये येणाऱ्या दुय्यम अभियंता (स्थापत्य) आणि दुय्यम अभियंता (यांत्रिकी व विद्युत) पदांच्या अनुक्रमे २३३ आणि ७७ जागा भरल्या जाणार आहेत. बिंदू नियमावली तयार करण्यात आली असून, वेगवेगळ्या प्रवर्गासाठी जागांचे विभाजन करण्यात आले आहे.
.
