MAH-M.Ed, आणि M.P.Ed प्रवेशपत्र जाहीर

एज्युवार्ता न्यूज नेटवर्क

महाराष्ट्र राज्य सामायिक प्रवेश परीक्षा कक्षाने (CET Cell) MAH-M.Ed आणि MAH-M.P.Ed अभ्यासक्रमाच्या (M.Ed. and M.P.Ed. Course) प्रवेश परीक्षांचे प्रवेशपत्र (Admit Card) जाहीर केले आहेत. या परीक्षेसाठी अर्ज केलेल्या उमेदवारांना सीईटी सेलचे अधिकृत संकेतस्थळ  cetcell.mahacet.org वरून आपले प्रवेशपत्र डाउनलोड करता येईल.

दरम्यान, M.Ed आणि M.P.Ed अभ्यासक्रमासाठी 24 आणि 25 मार्च 2026 परीक्षा घेतली जाणार आहे. परीक्षेला बसणाऱ्या उमेदवारांनी आपल्या लॉगिन आयडी आणि पासवर्डच्या मदतीने हॉल तिकीट डाउनलोड करावे. हॉल तिकीटवर उमेदवाराचे नाव, परीक्षा केंद्र, वेळ आणि महत्त्वाच्या सूचना दिलेल्या असतात.

परीक्षा केंद्रावर हॉल तिकीट सोबत नेणे अनिवार्य आहे.  वैध फोटो ओळखपत्र (आधार कार्ड, पॅन कार्ड, मतदार ओळखपत्र) सोबत ठेवणे आवश्यक आहे तसेच परीक्षा वेळेपूर्वी केंद्रावर उपस्थित राहणे बंधनकारक आहे. दरम्यान, उमेदवारांनी हॉल तिकीटवरील सर्व माहिती काळजीपूर्वक तपासून घ्यावी. काही त्रुटी आढळल्यास संबंधित प्राधिकरणाशी तात्काळ संपर्क साधावा, असे आवाहन करण्यात आले आहे. 

असे डाउनलोड करा प्रवेशपत्र

MAH-M.Ed आणि MAH-M.P.Ed परीक्षेचे प्रवेशपत्र डाउनलोड करण्यासाठी सर्वप्रथम अधिकृत संकेतस्थळ cetcell.mahacet.org वर जा. तिथे गेल्यावर 'Admit Card Is live for M.Ed. & M.P.Ed.' या लिंकवर क्लिक करा. तुमचा नोंदणीकृत ईमेल आयडी आणि पासवर्ड वापरून लॉगिन करा. प्रवेशपत्र डाउनलोड करा आणि प्रिंट काढा.