मुंबई विद्यापीठ: सिनेट मतदार नोंदणीची पुन्हा तपासणी करा; कुलगुरूंना पत्र

एज्युवार्ता न्यूज नेटवर्क 

काही दिवसांपुर्वी मुंबई विद्यापीठाने (Mumbai University) सिनेट निवडणुकांचा (Senate Elections) कार्यक्रम जाहीर केला . मात्र, सिनेट निवडणुकीच्या मतदार नोंदणीची पुन्हा एकदा तपासणी करण्याची मागणी (Demand for a re-examination of the election voter registration) करण्यात आली आहे. सिनेट निवडणुकीची मतदार प्रक्रिया 22 सप्टेंबर रोजी होणार असून यादीमध्ये पारदर्शकता आणावी, यासाठी शिवसेना शिंदे गटाच्यावतीने मुंबई विद्यापीठाच्या कुलगुरूंना पत्र लिहून पुन्हा मतदार नोंदणी करण्याची मागणी केली आहे. 

यापुर्वी देखील अभाविपकडून जाहीर करण्यात आलेल्या अंतिम मतदार यादीवर आक्षेप घेण्यात आला होता. त्यावेळी जवळपास एक लाख 25 हजार मतदार नोंदणी करण्यात केली. मात्र, केवळ 93 हजार मतदार हे पात्र ठरले. नव्याने मतदार नोंदणी केल्यानंतर त्यातील स्क्रुटीनेमध्ये फक्त 13 हजार 406 मतदार हे अपात्र ठरले. म्हणजे एकूण 1 लाख 25 हजारच्या मतदार नोंदणीच्या फक्त दहा टक्के मतदार हे पात्र ठरत असल्याने या अंतिम मतदार यादीवर शिवसेना शिंदे गटाच्यावतीने आक्षेप घेण्यात आला आहे. 

विद्यापीठाने सिनेट निवडणुकीचा कार्यक्रम 4 ऑगस्टला जाहीर केला. पदवीधर मतदारसंघाच्या 10 जागांसाठी ही निवडणूक होत आहे. त्यानुसार इच्छुक पदवीधरांना 12 ऑगस्टपर्यंत उमेदवारी अर्ज भरता येणार होते. शेवटच्या दिवसापर्यंत विद्यापीठाकडे 52 अर्ज दाखल झाले होते. त्यात उद्धव सेनेच्या युवासेनेने 10 अर्ज आणि विद्यापीठ विकास मंचाने 10 अर्ज भरले आहेत. त्याचबरोबर छात्र भारती विद्यार्थी संघटनेने तीन अर्ज दाखल केले आहेत.