इस्रायली विद्यापीठाशी असलेल्या शैक्षणिक कराराला IIT मुंबईच्या विद्यार्थ्यांचा विरोध
IIT-मुंबईचा विद्यार्थी गट आंबेडकर पेरियार फुले स्टडी सर्कलच्या विद्यार्थ्यांनी पॅलेस्टाईन विरुद्ध सुरू असलेल्या हिंसाचाराचा दाखला देत इस्रायली विद्यापीठांशी शैक्षणिक भागीदारी करण्याच्या प्रशासनाच्या निर्णयाचा उघडपणे निषेध केला आहे.
eduvarta@gmail.com 
एज्युवार्ता न्यूज नेटवर्क
इस्राइल (Israel) आणि पॅलेस्टाईन (Palestine) युद्धाचे पडसाद आता भारताच्या (India) शैक्षणिक वर्तुळातही उमटू लागले आहेत. इंडियन इन्स्टिट्यूट ऑफ टेक्नॉलॉजी बॉम्बेच्या (IIT Mumbai) विद्यार्थ्यांच्या (students) एका गटाने इस्रायलच्या बार-इलान विद्यापीठासोबत संस्थेने केलेल्या शैक्षणिक कराराचा तीव्र निषेध केला आहे. मास्टर्स, पीएचडी आणि पोस्टडॉक्टरल उमेदवारांसाठी (Masters, phd, Postdoctoral candidtaes) रसायनशास्त्रातील निधी संशोधन संधींवरील वेबिनारच्या घोषणेनंतर विद्यार्थ्यांनी ही भूमिका घेतली आहे.
IIT-मुंबईचा विद्यार्थी गट 'आंबेडकर पेरियार फुले स्टडी सर्कल'च्या (APPSC) विद्यार्थ्यांनी पॅलेस्टाईन विरुद्ध सुरू असलेल्या हिंसाचाराचा दाखला देत इस्रायली विद्यापीठांशी शैक्षणिक भागीदारी करण्याच्या प्रशासनाच्या निर्णयाचा उघडपणे निषेध केला आहे. संस्थेच्या शैक्षणिक व्यवहाराचे महासचिव (पीजी) यांनी पाठवलेल्या अधिकृत निवेदनात, बार-इलान युनिव्हर्सिटी-इस्त्रायलने संशोधनाच्या शक्यतांचा शोध घेण्यासाठी आयोजित केलेल्या मोफत वेबिनारमध्ये सहभागी होण्यासाठी विद्यार्थ्यांना आमंत्रित करण्यात आले होते. तथापि, कॅम्पसमधील विद्यार्थी कार्यकर्त्यांनी या निर्णयावर टीका केली आहे.
विद्यार्थ्यांनी प्रशासनाला आपल्या सहभागाचा पुनर्विचार करावा आणि दडपशाही आणि हिंसाचाराला विरोध करणाऱ्या जागतिक चळवळींचा विचार करावा, असे आवाहन केले आहे. विद्यार्थ्यांनी असा युक्तिवाद केला की, इस्रायली शैक्षणिक संस्थांशी सहयोग करून, IIT मुंबई इस्त्रायली सरकारच्या कृतींना अप्रत्यक्षपणे पाठिंबा देत आहे. जे मानवी हक्कांच्या तत्त्वांच्या विरुद्ध आहे.
