ICAI ने मागवले CA पर्यवेक्षक पदासाठी अर्ज

एज्युवार्ता न्यूज नेटवर्क  

इंस्टिट्यूट ऑफ चार्टर्ड अकाउंटंट ऑफ इंडियाने (Institute of Chartered Accountants of India) ICAI ने चार्टर्ड अकाउंटंट (Chartered Accountants) CA पर्यवेक्षक पदासाठी (For the post of Supervisor) अर्ज मागवले आहेत. ICAI द्वारे जानेवारी 2025 मध्ये घेण्यात येणाऱ्या परीक्षेसाठी निरीक्षक म्हणून इच्छुक असलेले आणि पात्र उमेदवार 25 ऑक्टोबर 2025 पासून अर्ज करू शकतात. (Candidates can apply from 25 October 2025 onwards) मीडिया रिपोर्ट्सनुसार पॅनेलमध्ये सामील होण्यासाठी अर्ज भरण्याची अंतिम तारीख 20 नोव्हेंबर 2024 आहे. अर्ज करण्यासाठी, उमेदवारांना https://observers.icaiexam.icai.org/#  या अधिकृत वेबसाइटला भेट देऊन अर्ज करावा लागेल.

निरीक्षकासाठी अर्जदाराचे नाव 1 जुलै 2022 पर्यंत सदस्यांच्या रजिस्टरमध्ये नोंदणीकृत असणे आवश्यक आहे. त्याचे वय ६५ वर्षांपेक्षा जास्त नसावे. उमेदवार किंवा त्याच्या नातेवाईकांनी किंवा अवलंबितांपैकी कोणीही जानेवारी 2025 मध्ये होणाऱ्या चार्टर्ड अकाउंटंटच्या परीक्षेत बसू नये.

परीक्षेच्या दिवशी प्रश्नपत्रिकेची पाकिटे विद्यार्थ्यांना सुरक्षितपणे वितरित केली जातील याची खात्री करणे हे निरीक्षकाचे मुख्य कार्य असेल. यासाठी केंद्रावर पर्यवेक्षकांनाही हजर राहावे लागेल,असेही संस्थेने त्यांच्या निवेदनात म्हटले आहे. 

CA फाउंडेशन आणि इंटरमिजिएट परीक्षांचे वेळापत्रक नुकतेच प्रसिद्ध करण्यात आले आहे. त्यानुसार या परीक्षा  11-21 जानेवारी 2025 दरम्यान आयोजित केल्या जातील. फाउंडेशन कोर्सची परीक्षा 12, 14, 16 आणि 18 जानेवारी २०२५ रोजी घेतली जाईल. तर इंटरमिजिएट अभ्यासक्रमाची परीक्षा गट I साठी 11, 13 आणि 15 जानेवारी आणि गट II साठी 17, 19 आणि 21 जानेवारी 2025 रोजी होणार आहे. फाउंडेशन कोर्स पेपर एक आणि दोन दुपारी 2 ते 5 या वेळेत घेण्यात येईल. पेपर 3 आणि 4 सर्व दिवस दुपारी 2 ते 4 या वेळेत होईल. या परीक्षेसाठी ऑनलाइन अर्ज प्रक्रिया 10 नोव्हेंबरपासून सुरू होणार असून 23 नोव्हेंबर पर्यंत चालणार आहे.