दहावीच्या निकालापूर्वी अकरावी प्रवेशासाठी मार्गदर्शनपर कार्यशाळा

एज्युवार्ता न्यूज नेटवर्क

अकरावी प्रवेशासाठी (11th admission process) विद्यार्थ्यांबरोबरच पालकांना चिंता लागलेली असते. प्रवेश कसा घ्यायचा? त्यासाठी कशाची आवश्यकता भासते अशा अनेक प्रश्न पालकांबरोबर विद्यार्थ्यांना पडलेले असतात. म्हणून विद्यार्थ्यांना यासंबंधी सर्व माहिती आणि त्यांच्या शंकांचे निरसन करण्यासाठी पुण्यातील फर्ग्युसन कनिष्ठ महाविद्यालयाने (Ferguson Junior College, Pune) येत्या रविवारी दि. 27 एप्रिल २०२५ रोजी सकाळी 10 वाजता महाविद्यालयाच्या अँफीथिएटरमध्ये विनामूल्य कार्यशाळा (Free workshop) आयोजित केली आहे.

या कार्यशाळेत जे शिक्षक प्रत्यक्ष या प्रवेश समितीत काम करतात तेच शिक्षक प्रवेशाबाबत माहिती देणार आहेत. प्रवेशाबरोबरच १० / १२ वी नंतरचे करिअर गायडन्स याचीही सखोल माहिती या कार्यशाळेत देण्यात येणार आहे. त्याचबरोबर विद्यार्थी व पालकांच्या माहितीसाठी फर्ग्युसन कनिष्ठ महाविद्यालयात विविध विभागात कशा प्रकारे शिक्षण दिले जाते. 

कनिष्ठ महाविद्यालयामार्फत ऑलिम्पियाड सारख्या विविध परीक्षा घेतल्या जातात याचीही माहिती देण्यात येणार असून नीट, जेईई व एमएचटी – सीईटी या स्पर्धात्मक परीक्षांची तयारी कशी करावी व त्याची तत्सम माहिती महाविद्यालयातीलच शिक्षक देणार आहेत.यामुळे भविष्यातील शिक्षणाबाबत तसेच करिअर आणि अकरावी प्रवेशाबाबत विद्यार्थ्यांना कोणत्याही अडचणी येणार नाही. विद्यार्थी व पालकांच्या प्रश्नांवर उत्तरे शोधण्यासाठी आणि त्यांच्या शंकांचे निरसन करण्यासाठी ही कार्यशाळा अत्यंत महत्वाची ठरणार आहे.