हरित ऊर्जा हे मानवतेच्या अस्तित्वासाठी एक आव्हान : डॉ. पंडित विद्यासागर
एआयएसएसएमएस अभियांत्रिकी महाविद्यालयात आयोजित दोन दिवसीय 'हरित ऊर्जा-२०२३' या आंतरराष्ट्रीय परिषदेचे आयोजन करण्यात आले होते. डॉ. विद्यासागर यांच्या हस्ते परिषदेचे उद्घाटन झाले.
eduvarta@gmail.com 
एज्युवार्ता न्यूज नेटवर्क
हरित ऊर्जा (Green Energy) ही काळाची गरज असून, हरित ऊर्जा हे केवळ विकासासाठीच नव्हे तर मानवतेच्या अस्तित्वासाठी एक आव्हान असल्याचे प्रतिपादन नांदेड येथील स्वामी रामानंद तीर्थ मराठवाडा विद्यापीठ माजी कुलगुरू डॉ. पंडित विद्यासागर (Dr. Pandit Vidyasagar) यांनी केले.
एआयएसएसएमएस अभियांत्रिकी महाविद्यालयात (AISSMS Engineering College) आयोजित दोन दिवसीय 'हरित ऊर्जा-२०२३' या आंतरराष्ट्रीय परिषदेचे आयोजन करण्यात आले होते. डॉ. विद्यासागर यांच्या हस्ते परिषदेचे उद्घाटन झाले. महाविद्यालयाचे प्राचार्य डॉ. डी. एस. बोरमणे हे परिषदेचे अध्यक्ष होते. सुदृढ सामाजिक, औद्योगिक वातावरण निर्माण करण्यासाठी आपण एकत्र येऊन नूतन, हरित आणि स्वच्छ ऊर्जेचा वापर करणे ही काळाची गरज आहे, असे महाविद्यालयाचे प्राचार्य डॉ. डी. एस. बोरमणे यांनी नमूद केले.
हेही वाचा : डॉ. कारभारी काळे ठरले सर्वाधिक एक वर्षाचा काळ मिळालेले पहिले प्रभारी कुलगुरू
भारताच्या पश्चिम प्रादेशिक सौर ऊर्जा संस्थेचे केंद्र आपल्या महाविद्यालयात असणे, ही अभिमानाची गोष्ट असून या परिषदेत सादर केल्या जाणाऱ्या संशोधनाचा उपयोग भविष्यात सामाजिक, औद्योगिक आणि व्यावसायिक विकासासाठी व्हावा, असे मनोगत एआयएसएसएम संस्थेचे खजिनदार अजय पाटील यांनी व्यक्त केले. संस्थेच्या व्यवस्थापकीय समितीचे अध्यक्ष भगवानराव साळुंके यावेळी उपस्थित होते.
आंतरराष्ट्रीय परिषदेसाठी इलेक्ट्रॉनिक्स तंत्रज्ञानासाठी साहित्य केंद्राचे (सी-एमईटी) महासंचालक डॉ. भारत काळे, ग्लोबल टेक्नॉलॉजी रिसर्च, सॅमसंग इलेक्ट्रॉनिक्स दक्षिण कोरियाचे डॉ. ओलेग फेगेनसन, शिरूर येथील चांदमल ताराचंद बोरा महाविद्यालयाचे प्राचार्य डॉ. के. सी. मोहिते यांनी परिषदेत मार्गदर्शन केले. परिषदेत १७० हून अधिक संशोधकांनी घेतल्याचे हरित ऊर्जा परिषदचे निमंत्रक एन. पी. मावळे यांनी सांगितले.
परिषद समन्वयक डॉ. उत्तम आवारी यांनी आभारप्रदर्शन केले व स्नेहा खेडेकर यांनी कार्यक्रमाचे सूत्रसंचालन केले. आंतरराष्ट्रीय स्तरावरील या परिषदेच्या यशस्वी आयोजनाबद्दल, एआयएसएसएम संस्थेचे मानद सचिव श्रीमंत छत्रपती मालोजीराजे, सहसचिव सुरेश शिंदे, खजिनदार अजय पाटील यांनी प्राचार्य, व्यवस्थापकीय समिती व विद्यार्थी यांचे अभिनंदन केले
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
