'युवा महोत्सावा'कडे पाठ फिरवल्याने, १८१ महाविद्यालयांना प्रत्येकी १० हजारांचा दंड 

एज्युवार्ता न्यूज नेटवर्क 

डॉ. बाबासाहेब आंबेडकर मराठवाडा विद्यापीठ (Dr. Babasaheb Ambedkar Marathwada University) छत्रपती संभाजीनगर येथे २५ ते २८ डिसेंबर रोजी केंद्रीय युवक महोत्सवाचे आयोजन (Organized Central Youth Festival) करण्यात आले आहे. विद्यापीठ संलग्न ४७६ महाविद्यालयांपैकी २९५ महाविद्यालयांनी सहभागासाठी नोंदणी केली आहे. तर तब्बल १८१ महाविद्यालयांनी याकडे पाठ फिरवल्याने त्यांना प्रत्येकी १० हजार रुपयांचा दंड (181 colleges fined Rs. 1,000) भरावा लागणार आहे. या संदर्भात कोणालाही पाठीशी घालू नका, अशा सूचना कुलगुरू डॉ. विजय फुलारी यांनी प्रशासनाला दिल्या आहेत.

या महोत्सवात चार जिल्ह्यांतील जवळपास २ हजार कलावंत विद्यार्थी सहभागी होणार असल्याची माहिती विद्यार्थी विकास मंडळ संचालक डॉ. कैलास अंभुरे यांनी दिली. विद्यापीठाच्या युवा महोत्सवाच्या यशस्वीतेसाठी कुलगुरू डॉ. विजय फुलारी यांच्या मार्गदर्शनात सल्लागार समिती व संयोजन समितीची स्थापना केली आहे. यंदाचा महोत्सव देखील विद्यापीठाच्या मुख्य परिसरात होणार आहे. गेल्या वर्षाभरात इंद्रधनुष्य महोत्सव, 'नॅक', दीक्षांत समारंभ यांसारखे मोठे कार्यक्रम यशस्वीपणे पार पडले आहेत. 

यावर्षी प्रथमच महाविद्यालयांची नोंदणी ऑनलाइन पद्धतीने ठेवण्यात आली होती. ७ ते १८ डिसेंबर या काळात महाविद्यालयांनी नोंदणी करून हार्ड कॉपी विद्यार्थी कल्याण विभागात जमा केली. मागील १२ दिवसांत ४७६ पैकी २९५ महाविद्यालयीन नोंदणी केली आहे. नोंदणी केलेल्या २९५ महाविद्यालयातील १ हजार ८८० कलावंत विद्यार्थी सहभागी होणार आहेत. त्यामध्ये १ हजार १३ विद्यार्थी तर ८६७ विद्यार्थिनींचा सहभाग आहे, तसेच २६८ पुरुष व १६८ महिला, असे ४३६ संघ व्यवस्थापक असणार आहेत.