NCDC मध्ये उच्च पदावर कोणत्याही लेखी परीक्षेशिवाय थेट भरती अन् लाखोंची पगार..
नॅशनल कोऑपरेटिव्ह डेव्हलपमेन्ट कॉपॅरिशन हे भारत सरकारच्या सहकार मंत्रालयाच्या अंतर्गत काम करते. त्यामुळे या क्षेत्रात थेट भरतीद्वारे नोकरी मिळविण्याची ही एक उत्तम संधी आहे. या पदांसाठी अर्ज करण्यासाठी उमेदवारांकडे MBA/PGDM डिग्रीसोबत मार्केटिंगमध्ये स्पेशलाइजेशन असणं गरजेचे आहे. तसेच, उपसंचालक पदासाठी 5 वर्षे आणि मुख्य संचालक पदासाठी 15 वर्षांच्या कार्याचा अनुभव असणं आवश्यक आहे.
eduvarta@gmail.com 
एज्युवार्ता न्यूज नेटवर्क
नोकरीच्या सोधात असलेल्या तरुणांसाठी महत्त्वाची बातमी समोर आली आहे. कोणत्याही लेखी परीक्षेशिवाय चांगल्या पदावरील नोकरीच्या शोधात असाल, तर तुमच्यासाठी चांगली संधी उपलब्ध झाली आहे. राष्ट्रीय सहकारी विकास महामंडळ (NCDC) कडून रिक्त पर्दासाठी भरती जाहीर करण्यात आली आहे. मुख्य संचालक (चीफ डायरेक्टर) आणि उपसंचालक (डेप्यूटी डायरेक्टर) (Chief Director and Deputy Director Posts) पदांसाठी पात्र उमेदवारांकडून अर्ज मागवण्यात (Application process begins) आले आहेत. यासाठी पात्र उमेदवार https://www.ncdc.in/ या अधिकृत वेबसाइटवर जाऊन अर्ज करू शकतात. तसेच, या भरतीसाठी अर्ज करण्यासाठी 31 ऑगस्ट 2025 ही शेवटची तारीख निश्चित करण्यात आली आहे.
SPPU: विद्यापीठाची कमिटी आर्मी लॉ कॉलेजच्या चौकशीला गेली; पण हात हालवत आली
नॅशनल कोऑपरेटिव्ह डेव्हलपमेन्ट कॉपॅरिशन हे भारत सरकारच्या सहकार मंत्रालयाच्या अंतर्गत काम करते. त्यामुळे या क्षेत्रात थेट भरतीद्वारे नोकरी मिळविण्याची ही एक उत्तम संधी आहे. या पदांसाठी अर्ज करण्यासाठी उमेदवारांकडे MBA/PGDM डिग्रीसोबत मार्केटिंगमध्ये स्पेशलाइजेशन असणं गरजेचे आहे. तसेच, उपसंचालक पदासाठी 5 वर्षे आणि मुख्य संचालक पदासाठी 15 वर्षांच्या कार्याचा अनुभव असणं आवश्यक आहे.
पदानुसार, या भरतीमध्ये 35 ते 45 वर्षे वयोगटातील उमेदवार अर्ज करू शकतात. 'शैक्षणिक रेकॉर्ड आणि अनुभव इत्यादींच्या आधारे एनसीडीसी उमेदवारांची शॉर्टलिस्ट तयार करू शकते. यामध्ये निवड झालेल्या उमेदवारांना मुलाखतीसाठी बोलावलं जाईल. तसेच, जास्त अर्ज प्राप्त झाल्यास आयोग इतर मार्गांनी देखील नियुक्ती करू शकतो. ही भरती कंत्राटी पद्धतीने केली जाणार आहे. कामाचा कालावधी ३ ते जास्तीत जास्त ५ वर्षापर्यंत वाढवला जाऊ शकतो.
खुल्या आणि ओबीसी प्रवर्गातील उमेदवारांना 1200 रुपये अर्ज शुल्क आकारला जाईल. तसेच एससी (SC), एसटी (ST), पीडब्ल्यूबीठी (PwBD) प्रवर्गातील आणि माजी सैनिक उमेदवारांना अर्जाच्या शुल्कातून सूट देण्यात आली आहे. या भरतीमध्ये उमेदवारांना ऑफलाइन माध्यमातून अर्ज करावा लागेल. अर्जाचा फॉर्म नोटिफिकेशनमध्ये उपलब्ध आहे. तिथून तो डाउनलोड केल्यानंतर, उमेदवारांना लेखी अर्ज भरावा लागेल. त्यामध्ये संपूर्ण माहिती भरल्यानंतर, शैक्षणिक पात्रता आणि अनुभवाशी संबंधित आवश्यक कागदपत्रे NCDC च्या पत्त्यावर 31 ऑगस्ट ऑगस्ट पर्यंत पाठवावा.
