अकरावी प्रवेशासाठी ही कागदपत्र काढली का ? ऑनलाईन प्रवेशासाठी आवश्यक

एज्युवार्ता न्यूज नेटवर्क 

शासन निर्णयानुसार इयत्ता अकरावी ऑनलाइन केंद्रीय प्रवेश प्रक्रिया पुणे पिंपरी चिंचवड महानगरपालिका क्षेत्राबरोबरच शैक्षणिक वर्ष 2025-26 पासून महाराष्ट्र राज्यातील सर्व मान्यताप्राप्त उच्च माध्यमिक शाळा / कनिष्ठ महाविद्यालय मध्ये राबविण्याबाबत निर्णय घेण्यात आला आहे. लवकरच इयत्ता अकरावी ऑनलाइन प्रवेश प्रक्रिया सुरू होणार असून त्या अनुषंगाने केंद्रीय प्रवेश प्रक्रियेद्वारे इयत्ता अकरावी मध्ये प्रवेश घेण्यासाठी इच्छुक विद्यार्थ्यांनी खालील कागदपत्रे तयार ठेवण्यात यावीत, असे आवाहन शिक्षण विभागातर्फे करण्यात आले आहे. 

दहावीचा निकाल केव्हा; राज्य मंडळाच्या अध्यक्षांनी स्पष्टच सांगितलं

कोणती कागदपत्र आवश्यक 

1. इयत्ता दहावी /समकक्ष परीक्षेचे गुणपत्रक
2. इयत्ता दहावी शाळा सोडल्याचा दाखला मूळ प्रत 
3. विद्यार्थ्यांचा जातीचा दाखला 
4. नॉन क्रिमीलेअर प्रमाणपत्र 
5. EWS पात्रता प्रमाणपत्र 
6. दिव्यांग प्रमाणपत्र 
7. प्रकल्पग्रस्त भूकंपग्रस्त प्रमाणपत्र 
8. आजी माजी सैनिक पाल्य प्रमाणपत्र 
9. आंतरराष्ट्रीय व राष्ट्रीय खेळाडू विद्यार्थी यांच्यासाठी जिल्हा क्रीडा अधिकारी किंवा विभागीय क्रीडा उपसंचालक यांचे प्रमाणपत्र 
10. अनाथ विद्यार्थ्यांनी विभागीय उपायुक्त महिला व बाल विकास विभाग यांचे प्रमाणपत्र. 
11. परदेशातून येणाऱ्या विद्यार्थ्यांनी संबंधित देशातील भारतीय दूतावासाची सही व शिक्का असलेले दाखला व गुणपत्रक.
12. हस्तांतरण आदेश आणि सामीलीकरण पत्र (Transfer order and joining letter)
(राज्य शासन/केंद्र सरकार/ खाजगी क्षेत्रातील कर्मचाऱ्यांची बदली झालेल्या पालकांसाठी)

राज्य मंडळातर्फे येत्या आठवड्याभरात दहावीचा निकाल जाहीर केला जाणार आहे.त्यासाठी आवश्यक कागदपत्र सादर करणे बंधनकारक आहे.त्यामुळे अकरावी प्रवेश घेणाऱ्या विद्यार्थी व त्यांच्या पालकांनी ही कागदपत्र काढून ठेवावीत,असे आवाहन पुणे विभागीय शिक्षण उपसंचालक कार्यालयातर्फे करण्यात आले आहे.