सीईटी सेलकडून परीक्षा प्रवेशपत्र आणि शहर सूचना स्लिप प्रसिद्ध 

एज्युवार्ता न्यूज नेटवर्क 

महाराष्ट्र राज्य सामायिक प्रवेश परीक्षा कक्षाने (State Common Entrance Test Cell) एमएचटी सीईटी २०२६ (MHT CET 2026) हॉल तिकीट (Hall Ticket) आणि परीक्षा शहर सूचना स्लिप (city intimation slip) संकेतस्थळावर प्रसिद्ध करण्यात आली आहे. सीईटी सेलने (CET Cell) अंतिम एमएचटी सीईटी हॉल तिकीट जारी करण्यापूर्वी तात्पुरते हॉल तिकीट आणि परीक्षा शहर सूचना स्लिप जारी करण्याची घोषणा केली आहे. विद्यार्थी cetcell.mahacet.org या वेबसाइटवर लॉगिन करून माहिती पाहू शकतात. 

परीक्षांच्या तारखांची घोषणा झाल्यानंतर, सीईटी सेलकडून 'तात्पुरते प्रवेशपत्र' परीक्षा शहराची सूचना स्लिप जारी करण्यात आली आहे. यामध्ये उमेदवाराचे परीक्षा केंद्र कोणत्या शहरात असेल, याविषयीची माहिती समाविष्ट असेल. 'परीक्षा शहराची सूचना स्लिप' हे एक प्राथमिक स्वरूपाची माहिती आहे, याची विद्यार्थ्यांनी नोंद घ्यावी, असे यामध्ये नमूद करण्यात आले आहे. उमेदवारांना त्यांच्या परीक्षा केंद्राच्या शहराविषयी माहिती मिळावी यासाठी असल्याचे कळवण्यात आले आहे.

अंतिम प्रवेशपत्र हे संबंधित परीक्षेच्या तारखेच्या साधारणतः तीन ते चार दिवस आधी उमेदवारांच्या 'लॉग-इन'मध्ये उपलब्ध करून दिले जाईल.
सर्व उमेदवारांनी आपल्या परीक्षा केंद्राचे तपशील ज्यामध्ये जिल्हा आणि तालुक्याचा समावेश आहे ते तपासून पाहणे आवश्यक आहे. तसेच,परीक्षेच्या किमान चार दिवस आधी उमेदवारांच्या 'लॉग-इन'मध्ये उपलब्ध होणारे त्यांचे 'अंतिम प्रवेशपत्र' त्यांनी डाऊनलोड करून घ्यावे. उमेदवारांनी नियमितपणे अधिकृत संकेतस्थळाला भेट देण्याचा सल्ला देण्यात आला आहे.