CET Cell : MH-DPN/PHN अर्ज भरण्यासाठी २५ मार्चपर्यंत मुदतवाढ
राज्य सामाईक प्रवेश परीक्षा कक्षातर्फे शैक्षणिक वर्षे २०२६-२७ करीता व्यावसायिक अभ्यासक्रमाच्या पदवी व पदव्युत्तर पदवी अभ्यासक्रमासाठी प्रवेश परीक्षा घेण्यात येत आहेत. पुढील आठवड्यापासून प्रवेश परीक्षेसाठी सुरूवात होणार आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा कक्षातर्फे (CET Cell) शैक्षणिक वर्षे २०२६-२७ करीता व्यावसायिक अभ्यासक्रमाच्या पदवी व पदव्युत्तर पदवी अभ्यासक्रमासाठी (Graduate Post Graduate Course) प्रवेश परीक्षा घेण्यात येत आहेत. पुढील आठवड्यापासून प्रवेश परीक्षेसाठी सुरूवात होणार आहे. अशातच एमएच-डीपीएन/पीएचएन सीईटी - २०२६ (MH-DPN/PHN CT - 2026) प्रवेश परीक्षेसाठी सीईटी सेलकडून २५ मार्चपर्यंत मुदतवाढ देण्यात आली आहे.
सीईटी सेलने माहितीपत्रकात प्रसिद्ध केल्यानुसार, MH-DPN/PHN CET-2026 साठी अर्ज भरण्याची अंतिम तारीख १६ मार्च २०२६ होती. मात्र, नोंदणीसाठी मुदतवाढ देण्याबाबत उमेदवारांकडून आणि पालकांकडून सीईटी सेलच्या कार्यालयास विनंत्या प्राप्त झाल्या. त्यामुळे, उमेदवारांचे शैक्षणिक हित लक्षात घेऊन, राज्य CET कक्षाने MH-DPN/PHN CET-2026 च्या ऑनलाईन नोंदणीसाठी २५ मार्चपर्यंत मुदतवाढ देण्याचा निर्णय घेतला आहे. यासाठी विविध परीक्षा केंद्रावर ऑनलाईन पद्धतीने ५ मे २०२६ रोजी ही परीक्षा घेण्यात येणार असल्याचे सीईटी सेलने जाहीर केले आहे.
शैक्षणिक वर्ष २०२६-२७ साठी मनोरुग्ण तज्ञ परिचारीका (डी.पी.एन) व सार्वजनिक आरोग्य परिचारीका (पी.एच.एन.) या अभ्यासक्रमांच्या प्रवेशासाठी एमएच-डीपीएन/पीएचएन सीईटी - २०२६ प्रवेश परीक्षा राज्य सामाईक प्रवेश परीक्षा कक्षामार्फत घेण्यात येणार आहे. त्यासाठी २४ जानेवारीपासून अर्ज नोंदणीसाठी सुरुवात झाली. इच्छुक उमेदवार सीईटी सेलचे अधिकृत संकेतस्थळ www.mahacet.org वर आपला अर्ज भरु शकतात. अर्ज भरण्याची अंतिम मुदत २५ मार्च रात्री ११:५९ वाजेपर्यंत देण्यात आली आहे. अधिक आणि सविस्तर माहितीसाठी अधिकृत संकेतस्थळाला भेट देण्याचे आवाहन करण्यात आले आहे.
