धक्कादायक घटना! अचानक परीक्षा केंद्रात घुसून, दहावीच्या विद्यार्थ्यावर कोयत्याने वार.. 

एज्युवार्ता न्यूज नेटवर्क 

पुणे जिल्ह्यात (Pune Crime News) धक्कादायक घटना घडल्याचे समोर आले आहे. ओतूर येथील श्री संत गाडगे महाराज विद्यालयातील (Shri Sant Gadge Maharaj Vidyalaya, Otur) दहावीच्या परीक्षा केंद्रात (10th Class Examination Center) गुन्हेगारीचा प्रकार घडला आहे. एका अल्पवयीन मुलाने परीक्षा केंद्रात घुसून दहावीची परीक्षा देत असलेल्या विद्यार्थ्यावर कोयत्याने हल्ला केला. विद्यार्थ्याने मानेवरील वार हातावर (Student Attacked with a Sickle) झाल्याने मोठी दुर्घटना टळली, मात्र तो जखमी झाला. जुन्या वादातून हा हल्ला झाल्याची प्राथमिक माहिती समोर आली आहे. या प्रकरण आरोपीसह आणखी चार जणांना ताब्यात घेतले आहे. 

परीक्षा देयला आलेल्या एका विद्यार्थ्याच्या हातावर बाहेरून आलेल्या एका अल्पवयीन मुलाने वार केले होते. त्यामुळे परीक्षा केंद्रावर मोठा गोंधळ झाला. अचानक झालेल्या या घटनेमुळे सर्वजण घाबरून गेले. मात्र, काही शिक्षकांसह आम्ही सगळ्यांनी तिथली परिस्थिती हाताळली. आरोपी अकरावीमध्ये शिकतो, त्याला पोलिस स्टेशनला नेले. ज्या मुलाच्या हातावरती वार झाले त्याच्यावरती औषध उपचार केले. त्यानंतर त्याला रायटर दिला त्या मुलाने परिक्षा दिली आहे.  चार जण इथे आले होते, त्यांची आधीही भांडण झाली असल्याची चर्चा आहे. एकूण १३ शाळेचे हे केंद्र आहे, रोज पोलिस आणि २ आरोग्य केंद्राचे अधिकारी असतात, अशी माहिती मुख्यध्यापकांनी दिली. 

जखमी विद्यार्थ्यांने दिलेल्या माहितीनुसार, ६ तारखेला देखील त्या मुलांनी त्याच्यावरती हल्ला करण्याचा प्रयत्न केला होता. तर ६ तारखेला माझ्या माहितीप्रमाणे असा काही प्रकार घडला नाही. तो मुलगा सांगत असला तरी देखील आमच्या सीसीटीव्हीमध्ये असे काही दिसत नाही. जर तसे काही घडले होते तर, पालकांनी आम्हाला ती माहिती द्यायला हवी होती. आमच्या कोणत्याही कर्मचाऱ्यांना याबाबत माहिती नाही, असेही मुख्यध्यापकांनी सांगितले आहे.

अशा घटना रोखण्यासाठी आम्ही योग्य त्या उपाययोजना करू, सेंटर मोठे असल्यामुळे मुले खूप येतात. आता यापुढे गेटवरतीच आम्ही हॉलतिकीट चेक करून मुलांना आतमध्ये सोडले जाईल, असेही शाळेच्या मुख्यध्यापकांनी म्हटले आहे. परीक्षा केंद्रासारख्या सुरक्षित ठिकाणी कोयता घेऊन एखादा मुलगा वर्गात शिरतोच कसा? असा संतप्त सवाल पालकांनी उपस्थित केला आहे. शाळा आणि परीक्षा केंद्रांच्या बाहेरील सुरक्षा व्यवस्थेवर प्रश्नचिन्ह उभे राहिले असून, अशा घटना पुन्हा घडू नयेत यासाठी चोख पोलीस बंदोबस्त ठेवण्याची मागणी स्थानिक नागरिकांनी आणि पालकांनी केली आहे.