SSC MTS भरती अंतर्गत 8326 पदांसाठी अर्ज प्रक्रिया सुरू 

एज्युवार्ता न्यूज नेटवर्क 

तुम्ही जर दहावी उत्तीर्ण असाल तर तुमच्यासाठी नोकरीची सुवर्ण संधी प्राप्त झाली आहे. कारण SSC MTS भरती (SSC MTS Recruitment) अंतर्गत एकूण 8326 पदांच्या भरतीची एमटीएस जाहिरात प्रसिद्ध (MTS advertisement released) करण्यात आली आहे. भरतीची अधिसूचना अधिकृत वेबसाइट https://ssc.gov.in/ वर पाहायला मिळेल.  प्रकाशित केलेल्या अधिसूचनेनुसार MTS ची 4 हजार 887 रिक्त पदे आणि हवालदार पदाची 3 हजार 439 रिक्त पदे (4 thousand 887 vacancies of MTS and 3 thousand 439 vacancies of constables) भरण्यासाठी अर्ज मागविण्यात आले आहेत.  अर्ज करण्यासाठी 31 जुलै 2024 पर्यंत मुदत देण्यात आली आहे. 

ऑनलाइन अर्ज ३१ जुलैपर्यंत स्विकारले जातील तर फी भरण्याची अंतिम तारीख १ ऑगस्ट आहे. 16 ऑगस्ट आणि 17 ऑगस्ट 2024 रोजी अर्जामध्ये दुरुस्त्या स्विकारल्या जाणार आहेत. त्यासाठी वेगळा दुरुस्ती शुल्क भरावा लागेल. ऑक्टोबर नोव्हेंबरमध्ये संगणकावर आधारित परीक्षा होणार आहे. विशेष बाब म्हणजे CBT मोडमध्ये लेखी परीक्षा एकाच टप्प्यात (एकाधिक शिफ्टमध्ये) घेतली जाईल. उमेदवाराला त्याच दिवशी लेखी परीक्षेला बसावे लागेल. दोन्ही सत्रे एकाच दिवशी होणार आहेत. ही परीक्षा प्रत्येकी ४५ मिनिटांच्या दोन सत्रात घेतली जाईल. परीक्षेचे माध्यम इंग्रजी, हिंदी आणि 13 प्रादेशिक भाषा असेल. 

MTS च्या रिक्त पदांसाठी उमेदवारांचे वय 18 ते 25 वर्ष असावे तर हवालदार पदांसाठी उमेदवाराचे वय हे 18 ते 27 वर्ष अशा दोन श्रेणींमध्ये ठेवण्यात आले आहे. याशिवाय SC आणि ST प्रवर्गातील उमेदवारांना कमाल वयाची 5 वर्षे आणि OBC साठी 3 वर्षांची सूट देण्यात आली आहे. या पदांसाठी अर्ज करू इच्छिणाऱ्या उमेदवारांना अर्ज फी म्हणून १०० रुपये भरावे लागतील. तर महिला, एससी आणि एसटी प्रवर्गातील उमेदवारांना कोणतेही शुल्क भरावे लागणार नाही.

हवालदार पदासाठी आयोग प्रथम संगणक आधारित लेखी परीक्षा घेईल, त्यानंतर परीक्षा उत्तीर्ण उमेदवारांची शारीरिक चाचणी घेतली जाईल, त्यानंतर त्यांची शारीरिक मानक चाचणी घेतली जाईल. या पदासाठी पुरुषाची उंची 157.5 सेमी, महिलांची उंची 152 सेमी आहे. आणि वजन किमान 48 किलो. त्याच वेळी, पुरुषाची छाती 81 सें.मी. असावी.