मोठी बातमी ! एसटीत लवकरच 'या' पदांसाठी नोकर भरती होणार
एसटी महामंडळ आर्थिकदृष्ट्या सक्षम करण्यासाठी विविध उपाययोजना राबविल्या जात आहेत. काही दिवसांपूर्वी भविष्यात 25 हजार स्वमालकीच्या बसेस घेतल्या जाणार आहेत. त्यासाठी चालक, वाहकांसह इतर वर्गातील अधिकारी, कर्मचाऱ्यांची गरज भासणार आहे. ही पदे भरण्यासाठी लवकरच भरती प्रकिया सुरु होणार आहे.
eduvarta@gmail.com 
एज्युवार्ता न्यूज नेटवर्क
एसटी महामंडळात काम करण्याची इच्छा असणाऱ्या उमेदवारांसाठी मोठी बातमी आहे. एसटी महामंडळातील (ST Corporation) काही रिक्त जागांवर नोकर भरती करण्यात येणार असल्याची महत्त्वाची घोषणा राज्याचे परिवहन मंत्री आणि एसटी महामंडळाचे अध्यक्ष प्रताप सरनाईक (State Transport Minister and ST Corporation Chairman Pratap Sarnaik) यांनी केली आहे.
एसटी महामंडळ आर्थिकदृष्ट्या सक्षम करण्यासाठी विविध उपाययोजना राबविल्या जात आहेत. काही दिवसांपूर्वी भविष्यात 25 हजार स्वमालकीच्या बसेस घेतल्या जाणार आहेत. त्यासाठी चालक, वाहकांसह इतर वर्गातील अधिकारी, कर्मचाऱ्यांची गरज भासणार आहे. ही पदे भरण्यासाठी लवकरच भरती प्रकिया सुरु होणार आहे असेही त्यांनी सांगितले आहे.
दरम्यान, संचालक मंडळाच्या नुकत्याच पार पडलेल्या बैठकीत या प्रस्तावाला मंजुरी देण्यात आली असून सरकारकडे अंतिम मान्यतेसाठी तो प्रस्ताव पाठवण्यात आला आहे. यामुळे चालक, वाहक आणि विविध इतर वर्गांतील पदांसाठी भरती प्रक्रिया राबवली जाणार आहे.
2024 पर्यंत उच्च न्यायालयाच्या आदेशामुळे एसटीमध्ये नोकरभरती थांबवण्यात आली होती. मात्र, आता मोठ्या प्रमाणावर कर्मचारी निवृत्त होणार आहेत. नव्या बसेसच्या पार्श्वभूमीवर तातडीने भरतीची गरज भासणार आहे. त्यामुळे नवीन आकृतीबंध तयार करून पुढील प्रक्रिया राबवली जाणार असल्याचे मंत्री सरनाईक यांनी सांगितले. तसेच, एसटीच्या सक्षमीकरणासाठी केवळ बसेस नव्हे तर कुशल व तांत्रिकदृष्ट्या सक्षम मनुष्यबळाचीही गरज आहे. त्यानुसार प्रत्येक खात्याने आपापल्या रिक्त पदांचा फेरआढावा घेऊन एकत्रित भरतीची मागणी सादर करण्याचे त्यांनी निर्देश दिले आहेत.
