सीबीएसई बारावीचा निकाल जाहीर ; ८८.३९ टक्के विद्यार्थी झाले उत्तीर्ण
गेल्या वर्षी उत्तीर्णतेचे प्रमाण ८७.९८% होते. २०२५ च्या बारावी बोर्ड परीक्षेत गेल्या वर्षीच्या तुलनेत ०.४१ गुणांची किरकोळ वाढ झाली आहे. बोर्डाने बारावीच्या बोर्ड परीक्षा १५ फेब्रुवारी ते ०४ एप्रिल या दरम्यान घेतली होती.
eduvarta@gmail.com 
एज्युवार्ता न्यूज नेटवर्क
देशभरातील तब्बल 17 लाख विद्यार्थ्यांची प्रतीक्षा अखेर संपली आहे. केंद्रीय माध्यमिक शिक्षण मंडळाने (Central Board of Secondary Education) CBSE त्यांच्या अधिकृत वेबसाइट results.cbse.nic.in वर CBSE इयत्ता 12वी बोर्ड निकाल 2025 जाहीर केला आहे. (Class 12th Board Result 2025 has been declared) विद्यार्थी रोल नंबर, प्रवेशपत्र आयडी, शाळेचा कोड आणि जन्मतारीख यासारख्या लॉगिन क्रेडेन्शियल्स वापरून त्यांचे गुण तपासू शकतात.
सीबीएसई बारावी बोर्ड परीक्षा २०२५ चा निकाल ८८.३९% इतका लागला. एकूण १७,०४,३६७ विद्यार्थ्यांनी परीक्षेसाठी नोंदणी केली होती, त्यापैकी १६,९२,७९४ विद्यार्थी परीक्षेला बसले होते आणि १४,९६,३०७ विद्यार्थी उत्तीर्ण झाले. गेल्या वर्षी उत्तीर्णतेचे प्रमाण ८७.९८% होते. २०२५ च्या बारावी बोर्ड परीक्षेत गेल्या वर्षीच्या तुलनेत ०.४१ गुणांची किरकोळ वाढ झाली आहे. बोर्डाने बारावीच्या बोर्ड परीक्षा १५ फेब्रुवारी ते ०४ एप्रिल या दरम्यान घेतली होती.
असा पहा निकाल
* सीबीएसई बोर्डाच्या वेबसाइटला भेट द्या - cbseresults.nic.in
* सीबीएसई बोर्डाचा 'बारावीचा निकाल' येथे क्लिक करा.
* नंतर तुमचा रोल नंबर येथे टाका.
* यानंतर तुमचा निकाल स्क्रीनवर दिसेल.
* सीबीएसई बोर्डाचा १२वीचा निकाल तपासल्यानंतर, स्क्रीनचा प्रिंट आउट घ्या.
विद्यार्थी डिजीलॉकरसह, सीबीएसईच्या अधिकृत वेबसाइटवरून रोल नंबरनुसार सीबीएसई १२वीची मार्कशीट ऑनलाइन डाउनलोड करू शकतात
