बँक ऑफ महाराष्ट्रमध्ये उद्यापासून भरतीसाठी अर्ज सुरू

या प्रशिक्षणार्थी भरतीसाठी अर्ज करण्याची शेवटची तारीख २४ ऑक्टोबर आहे. या भरती मोहिमेद्वारे 600 रिक्त पदांवर भरती होणार आहे.

Oct 13, 2024 - 15:42 Updated: Oct 13, 2024 - 16:01

बँक ऑफ महाराष्ट्रमध्ये उद्यापासून भरतीसाठी अर्ज सुरू

एज्युवार्ता न्यूज नेटवर्क

बँक ऑफ महाराष्ट्र (Bank of Maharashtra) मध्ये प्रशिक्षणार्थी पदावर नोकरी (Apprenticeship) मिळवण्याची चांगली संधी आहे. यासाठी 14 ऑक्टोबरपासून https://bankofmaharashtra.in/ या अधिकृत वेबसाइटला भेट देऊन ऑनलाइन अर्ज करता येईल (online application process) या प्रशिक्षणार्थी भरतीसाठी अर्ज करण्याची शेवटची तारीख २४ ऑक्टोबर आहे. या भरती मोहिमेद्वारे 600 रिक्त पदांवर भरती होणार आहे.

बँक ऑफ महाराष्ट्र अप्रेंटिसशिप भरतीसाठी वयोमर्यादा 20 ते 28 वर्षे आहे. राखीव प्रवर्गातील उमेदवारांना नियमानुसार कमाल वयोमर्यादेत सवलत दिली जाईल. बँक ऑफ महाराष्ट्रमध्ये भरतीसाठी उमेदवारांनी पदवी उत्तीर्ण केलेली असावी. तसेच उमेदवारांना राज्याच्या स्थानिक भाषाचे ज्ञान असणे आवश्यक आहे.

बँक ऑफ महाराष्ट्रमध्ये शिकाऊ पदांसाठी SC/ST श्रेणीतील उमेदवारांना अर्ज शुल्क रुपये 100 अधिक GST भरावे लागेल. तर EWS, OBC आणि अनारक्षित श्रेणीतील उमेदवारांना 150 रुपये अधिक GST शुल्क भरावे लागेल. अपंग उमेदवारांसाठी अर्ज विनामूल्य आहे.