स्टाफ सिलेक्शन कमिशन स्टेनोग्राफर ग्रेड सी आणि डी परीक्षेचा निकाल जाहीर

एज्युवार्ता न्यूज नेटवर्क 

स्टाफ सिलेक्शन कमिशनने (staff selection commission) SSC स्टेनोग्राफर ग्रेड सी आणि डी परीक्षेचा निकाल जाहीर केला आहे. (Stenographer Grade C and D exam results have been declared) यामध्ये सहभागी होणारे उमेदवार आयोगाच्या वेबसाइटला ssc.gov.in भेट देऊन त्यांचा निकाल तपासू शकतात. गेल्या वर्षी १० आणि ११ डिसेंबर रोजी देशभरात ही संगणक आधारित परीक्षा घेण्यात आली होती.

स्टाफ सिलेक्शन कमिशनने दिलेल्या माहितीनुसार, या परीक्षेत ९ हजार ३४५ उमेदवार ग्रेड सी मध्ये आणि २६ हजार ६१० उमेदवार ग्रेड डी मध्ये पात्र ठरले आहेत. आता या उमेदवारांची कौशल्य चाचणी घेतली जाईल. यामध्ये उत्तीर्ण होणाऱ्या उमेदवारांना कागदपत्र पडताळणीसाठी बोलावले जाईल.

असा बघा निकाल 

* सर्वप्रथम तुम्हाला स्टाफ सिलेक्शन कमिशनच्या ssc.gov.in वेबसाइटला भेट द्यावी लागेल.
* येथे तुम्हाला एसएससी स्टेनोग्राफ निकालावर क्लिक करावे लागेल.
* येथे एक विंडो उघडेल ज्यामध्ये लॉगिन आयडी टाकल्यानंतर निकाल उघडेल.
 * तुम्ही येथून निकाल डाउनलोड करू शकता.

एसएससी स्टेनोग्राफर ग्रेड सी आणि डी साठी अर्ज केलेल्या उमेदवारांसाठी संगणक आधारित चाचणी घेण्यात आली. यामध्ये, सामान्य उमेदवारांसाठी उत्तीर्ण गुण 30 टक्के ठेवण्यात आले होते, तर ओबीसी आणि ईडब्ल्यूएससाठी ही मर्यादा 25 टक्क्यांपर्यंत होती. याशिवाय, एससी, एसटी, पीडब्ल्यू, ईएसएम यासह इतर श्रेणींमध्ये उत्तीर्ण होण्यासाठी २० टक्के गुण मिळवावे लागत होते.

स्टाफ सिलेक्शन कमिशनने जाहीर केलेल्या यादीनुसार, कौशल्य चाचणीसाठी पात्र होण्यासाठी सामान्य उमेदवारांसाठी कटऑफ १४८.५७ होता. तर ग्रेड डी मध्ये पात्र होण्यासाठी कटऑफ १३०.९३ होता.