SPPU: विद्यापीठात 86 सहायक प्राध्यापकांची नियुक्ती, यादी जाहीर
पुणे विद्यापीठातील 111 पूर्णवेळ प्राध्यापक पदांची भरती प्रक्रिया रखडली आहे. त्यामुळे गेल्या काही वर्षांपासून विद्यापीठाला कंत्राटी पद्धतीने प्राध्यापक भरती करावी लागत आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठातील (Savitribai Phule Pune University)विविध शैक्षणिक विभागांमध्ये शैक्षणिक वर्ष 2025-26 साठी 133 सहाय्यक प्राध्यापक(Assistant Professor)करार पद्धतीने भरण्यासंदर्भात प्रक्रिया राबविण्यात आली. त्यातील 86 पदांवर पात्र उमेदवारांची निवड करण्यात आली असून विद्यापीठाने संकेतस्थळावर संबंधित उमेदवारांची यादी प्रसिद्ध केली आहे. त्याचप्रमाणे 2 ते 5ऑगस्ट या कालावधीत संबंधित विभागामार्फत उमेदवारांना नियुक्तीपत्र देण्यात आली आहेत.
पुणे विद्यापीठातील 111 पूर्णवेळ प्राध्यापक पदांची भरती प्रक्रिया रखडली आहे. त्यामुळे गेल्या काही वर्षांपासून विद्यापीठाला कंत्राटी पद्धतीने प्राध्यापक भरती करावी लागत आहे. विद्यापीठाने 18 जून 2025 रोजी करार पद्धतीने पदभरती करण्यासंदर्भात परिपत्रक प्रसिद्ध केले होते.त्यानुसार ऑनलाइन अर्ज प्राप्त झालेल्या उमेदवारांच्या मुलाखती 17 जुलै ते 21 जुलै या कालावधीत संबंधित विभागामध्ये घेण्यात आल्या.
व्यवस्थापन परिषद सदस्याकडून कुलगुरूंना ससा- कासवाचे चित्र भेट
अर्ज केलेल्या उमेदवारांना त्यांच्या शैक्षणिक गुणवत्ता, संशोधन आणि अध्ययन या बाबींना मिळालेले 80 टक्के गुण आणि मुलाखती अंतर्गत निवड समितीने दिलेले 20 टक्के गुण या दोन्ही बाबी एकत्रित करून 100 गुणांपैकी प्राप्त गुणांनुसार उमेदवारांची गुणवत्ता व निवड यादी तयार करण्यात आली आहे. त्यानुसार 133 पैकी 86 पदांवर उमेदवारांची निवड करण्यात आले आहे. उमेदवारांची गुणवत्ता व निवड यादी ऑनलाईन अर्ज करतेवेळी अर्जासोबत दिलेल्या माहितीच्या आधारे तयार केली आहे. कागदपत्रांच्या सत्यता पडताळणीच्या अधीन राहून ही निवड केली आहे.
