डी.एड. परीक्षेचा निकाल जाहीर
एकूण १३ हजार ५२६ विद्यार्थ्यांनी परीक्षा दिली असून ९ हजार २ विद्यार्थी म्हणजे ६४.७५ टक्के विद्यार्थी उत्तीर्ण झाले आहेत.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेमार्फत (Maharashtra State Examination Council)जून २०२५ मध्ये घेण्यात आलेल्या डी.एल.एड. (डीएड )परीक्षेचा निकाल (D.Ed. exam result) https://www.mscepune.in या संकेतस्थळावर जाहीर करण्यात आला आहे. तसेच निकाल उत्तरपत्रिकेची गुणपडताळणी व छायाप्रत मागणीसाठी अर्ज करण्याचा अंतिम दिनांक २० ऑगस्ट २०२५ असा राहील, असे परीक्षा परिषदेच्या आयुक्त अनुराधा ओक यांनी कळविले आहे.
डी.एल.एड. परीक्षेसाठी मराठी माध्यमांच्या ९ हजार ९६१, उर्दू- २ हजार ३१८, हिंदी- २६२, इंग्रजी- १ हजार ३३१ व कन्नड माध्यमांच्या ३० विद्यार्थ्यांनी नोंदणी केली होती. त्यापैकी एकूण १३ हजार ५२६ विद्यार्थ्यांनी परीक्षा दिली असून ९ हजार २ विद्यार्थी म्हणजे ६४.७५ टक्के विद्यार्थी उत्तीर्ण झाले आहेत. विद्यार्थ्यांना निकालाचे मूळ गुणपत्रक संबंधित अध्यापक विद्यालयामार्फत यथावकाश हस्तपोच मिळणार आहे, अशी माहितीही ओक यांनी दिली आहे.
