राहुरी कृषी विद्यापीठात विविध पदांच्या 789 जागांसाठी अर्ज सुरू; ३० जानेवारीपर्यंत मुदत 

एज्युवार्ता न्यूज नेटवर्क 

नोकरीच्या शोधात असलेल्या तरुणांसाठी महत्त्वाची बातमी समोर आली आहे. महात्मा फुले राहुरी कृषी विद्यापीठाने (Mahatma Phule Agricultural University Rahuri) मेगा भरतीची जाहिरात प्रसिद्ध (Recruitment advertisement published) केली आहे. या भरती मोहिमेअंतर्गत गट-क व गट-ड संवर्गातील विविध पदांच्या तब्बल ७८७ रिक्त जागा भरण्यात येणार आहेत. त्यासाठी इच्छुक आणि पात्र उमेदवारांकडून अर्ज मागवण्यात आले आहेत. अर्ज ऑफलाईन पद्धतीने करायचा असून अर्ज करण्याची अंतिम मुदत ३० जानेवारीपर्यंत (Application deadline January 30) असणार आहे. भरती प्रक्रियेत सहभागी होणारे तरुण विद्यापीठाच्या अधिकृत संकेतस्थळ  https://mpkv.ac.in/ वर जाऊन अधिक माहिती तपासू शकतात. 

यामध्ये वरिष्ठ लिपिक, लघुटंकलेखक, ग्रंथालय प्रमुख, कृषी सहायक, पशुधन पर्यवेक्षक, कनिष्ठ संशोधन सहायक आणि मजूर पदांच्या रिक्त जागा भरल्या जाणार आहेत. गट -क संवर्गातील २४१ तर गट -ड संवर्गातील ५४६ जागा असणार आहेत. या भरतीसाठी 18 ते 38 वयोगटातील उमेदवार अर्ज करू शकणार आहेत. तसेच भरती नियमानुसार राखीव वर्गातील उमेदवारांना सूट देण्यात आलेली आहे. 

भरती प्रक्रियेत सहभागी होणाऱ्या खुल्या प्रवर्गातील उमेदवारांना 1 हजार रूपये परीक्षा शुल्क भरावा लागणार आहे तर, राखीव प्रवर्गासाठी 900 रूपये शुल्क असणार आहे. या भरती प्रक्रियेत विविध पदे असल्याने त्यासाठी शैक्षणिक पात्रता देखील वेगवेगळी असणार आहे. 7वी/ 10वी/ 12वी/ आयटीआय/ पदवी उत्तीर्ण असणारे उमेदवार यासाठी पात्र असणार आहेत. उमेदवार एकापेक्षा जास्त पदाकरिता अर्ज करू शकणार आहेत. मात्र, प्रत्येक पदासाठी स्वतंत्र अर्ज व शैक्षणिक पात्रता पूर्ण करणारे कादगपत्रे जोडणे व परीक्षा शुल्क भरणे आवश्यक आहे.