संत गाडगेबाबा विद्यापीठाने तब्बल २५ पुरस्कारांना लावला ब्रेक 

एज्युवार्ता न्यूज नेटवर्क 

मागील सात वर्षापासून विद्यापीठामार्फत देण्यात येणार्‍या तब्बल २५ पुरस्कारांना संत गाडगेबाबा विद्यापीठाचे (Sant Gadge Baba University) कुलगुरू डॉ. मिलिंद बारहाते (Vice Chancellor Dr. Milind Barahate) यांनी ब्रेक (Break for 25 awards) दिला आहे. विद्यापीठाच्या व्यवस्थापन परिषदेच्या मंजूरीशिवाय हे पुरस्कार देण्यात येत असल्याने हा निर्णय घेण्यात आला आहे. नुकत्याच पार पडलेल्या विद्यापीठ सिनेट सभेत हा मुद्दा पुढे करण्यात आला होता, त्यानंतर विद्यापीठ प्रशासनाकडून हा निर्णय घेण्यात आला. व्यवस्थापन परिषदेची मंजूरी घेतल्यास हे पुरस्कार पुन्हा प्रदान करता येणार आहेत. 

विद्यापीठातर्फे किती पुरस्कार दिले जातात, विषयांन्वये व कोणत्या वर्षी कोणत्या प्राधिकारणीने मान्यता दिली, असा प्रश्न डॉ. सुभाष गावंडे यांनी उपस्थित केला. राज्य शासनाच्या मार्गदर्शक तत्त्वानुसार २५ पुरस्कार दिले जात असल्याचे विद्यापीठाने सांगितले. यापूर्वी उत्कृष्ट सेवा गौरव पुरस्कार अंतर्गत पाचही जिल्ह्यांसाठी पाच पुरस्कार दिले जात होते; परंतु पुढे ही संख्या २५ करण्यात आली. आता प्रत्येक जिल्ह्यासाठी ५ यानुसार २५ पुरस्कार देण्यात येत असल्याचे कुलसचिव डॉ. अविनाश असनारे म्हणाले. 

माजी सिनेट सदस्यांनी २०१९ मध्ये प्रस्ताव मांडल्याने पुरस्काराची संख्या वाढवण्यात आली होती. यावर बोलताना डॉ. सुभाष गवई म्हणाले की, पुरस्कार प्रदान करताना केवळ शासन निर्णयाचा आधार घेण्यात आला. परंतु, विद्यापीठाच्या व्यवस्थापन परिषदेची मान्यता घेण्यात आली नाही. लीगल इन्स्ट्रुमेंटल तयार करतानाचा प्रवास यात दिसून येत नसल्याचे त्यांनी अधोरेखित केले. शिवाय या पुरस्काराचा विषय सल्लागार समितीकडे गेल्यानंतर तो व्यवस्थापन परिषदेसमोर आला नाही. त्यामुळे पुरस्कार प्रदान करणे योग्य आहे का? असा प्रश्न उपस्थित केला. यानंतर डॉ. मिलिंद बारहाते यांनी व्यवस्थापन परिषदेच्या मान्यतेविना देण्यात येणारे हे पुरस्कार थांबवण्यात येत असल्याचे जाहीर केले.