UPSC ने नाकारले 'या' उमेदवारांचे नागरी सेवा पूर्वपरीक्षेचे अर्ज

एज्युवार्ता न्यूज नेटवर्क 

 केंद्रीय लोकसेवा आयोगाने (Union Public Service Commission) UPSC २०२५ च्या नागरी सेवा प्राथमिक परीक्षासाठी अर्ज केलेल्या काही उमेदवारांचे अर्ज स्वीकारले नाहीत. (Applications of some candidates who have applied for Civil Services Primary Examination have not been accepted) आयोगाने या उमेदवारांची यादी upsc.gov.in या अधिकृत वेबसाइटवर अपलोड केली आहे. परीक्षेसाठी अर्ज केलेले उमेदवार संकेतस्थळावर जाऊन यादी तपासू शकतात. 
या संदर्भात आयोगाने अधिकृत माहिती देखील प्रसिध्द केली आहे. त्यानुसार, बँकेकडून परीक्षा शुल्क १०० रुपये न मिळाल्याने या उमेदवारांचे फॉर्म नाकारण्यात आले आहेत. नोटीसमध्ये पुढे म्हटले आहे की, जर कोणत्याही उमेदवाराला अर्ज नाकारल्याविरुद्ध अपील करायचे असेल तर तो १० दिवसांच्या आत ते करू शकतो. या अपीलसाठी, उमेदवार संबंधित कागदपत्रे जसे की सिस्टम जनरेटेड चलन, डेबिट/क्रेडिट कार्ड स्टेटमेंट किंवा बँक अकाउंट स्टेटमेंट (जे लागू असेल ते) स्पीड पोस्टने किंवा या पत्त्यावर प्रत्यक्ष भेट देऊन सादर करू शकतात. 
 किरण के. अरोरा, अवर सचिव (सीएसपी), केंद्रीय लोकसेवा आयोग, परीक्षा हॉल इमारत, हॉल क्रमांक-२, चौथा मजला, धोलपूर हाऊस, शाहजहान रोड, नवी दिल्ली-११००६९.

यूपीएससी नागरी सेवा (प्राथमिक) परीक्षा २०२५ २५ मे  रोजी होणार आहे. या परीक्षेत यशस्वी होणाऱ्या उमेदवारांना मुख्य परीक्षेला बसावे लागेल. यानंतर, मुख्य परीक्षेत पात्र ठरलेल्या उमेदवारांना परीक्षेच्या पुढील टप्प्यासाठी म्हणजेच मुलाखत फेरीसाठी हजर राहावे लागेल.  या परीक्षेद्वारे ९०० हून अधिक पदांची भरती केली जाणार आहे.