UPSC नागरी सेवा परीक्षांसाठी व्यक्तिमत्व चाचणीच्या तारखेत बदल !
मुलाखतीला उपस्थित राहणाऱ्या उमेदवारांना प्रवास खर्चाची परतफेड केली जाईल, असे आयोगाने म्हटले आहे. मात्र ही परतफेड फक्त दुसऱ्या/स्लीपर क्लास रेल्वे भाडे पुरती मर्यादित असेल.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (Union Public Service Commission) UPSC २०२४ च्या नागरी सेवा परीक्षांसाठी व्यक्तिमत्व चाचणीच्या तारखा सुधारित केल्या आहेत. (Personality test dates for civil services exams have been revised) दिल्ली विधानसभा निवडणुकीमुळे (Delhi Assembly Elections) हा बदल करण्यात आला आहे. या संदर्भातील सूचना अधिकृत वेबसाइटवर upsc.gov.in उपलब्ध आहे.
५ फेब्रुवारी रोजी होणारी व्यक्तिमत्व चाचणी आता ८ फेब्रुवारी २०२५ रोजी घेतली जाईल. नागरी सेवा (मुख्य) परीक्षेची व्यक्तिमत्व चाचणी ७ जानेवारी रोजी सुरू झाली आणि १७ एप्रिल २०२५ रोजी संपणार आहे. व्यक्तिमत्व चाचणी दोन सत्रांमध्ये घेतली जाईल. सकाळच्या सत्रासाठी रिपोर्टिंग वेळ सकाळी ९ वाजता आणि दुपारच्या सत्रासाठी दुपारी १ वाजता अशी असेल.
प्रवास खर्च परतफेड दिली जाणार
मुलाखतीला उपस्थित राहणाऱ्या उमेदवारांना प्रवास खर्चाची परतफेड केली जाईल, असे आयोगाने म्हटले आहे मात्र ही परतफेड फक्त दुसऱ्या/स्लीपर क्लास रेल्वे भाडे पुरती मर्यादित असेल.
यूपीएससी मुलाखतीचे वेळापत्रक डाउनलोड करण्यासाठी यूपीएससीची अधिकृत वेबसाइटवर upsc.gov.in जावे. होम पेजवर उपलब्ध असलेल्या UPSC नागरी सेवा व्यक्तिमत्व चाचणी २०२४ तारखेच्या सूचनेवर क्लिक करा. एक नवीन पीडीएफ फाइल उघडेल जिथे उमेदवार तपशील तपासू शकतील. पुढील गरजेसाठी फाइल डाउनलोड करा.
