RTE News Update:सुधारित आरटीई प्रवेश प्रक्रियेला सुरूवात ; 9 हजार शाळांमधील 1 लाख 2 हजार जागांवर देणार प्रवेश
आरटीई पोर्टलवर जिल्हानिहाय सुधारित शाळांची संख्या आणि प्रवेश क्षमता प्रसिध्द केली आहे.त्यानुसार 2024-25 या शैक्षणिक वर्षात राज्यातील 9 हजार 138 इंग्रजी माध्यमाच्या शाळांमधील 1 लाख 2 हजार 434 जागांवर लवकरच प्रवेश प्रक्रिया राबवली जाणार आहे.
eduvarta@gmail.com 
एज्युवार्ता न्यूज नेटवर्क
मुंबई उच्च न्यायालयाच्या (Bombay High Court)निर्णयानंतर राज्याच्या शालेय शिक्षण विभागाने (Department of School Education)ऑनलाईन आरटीई प्रवेश प्रक्रियेत (RTE Admission Process)बदल करण्यास सुरूवात केली आहे.आरटीई पोर्टलवर (RTE Portal)जिल्हानिहाय सुधारित शाळांची संख्या आणि प्रवेश क्षमता (number of schools and enrollment capacity)प्रसिध्द केली आहे.त्यानुसार 2024-25 या शैक्षणिक वर्षात राज्यातील 9 हजार 138 इंग्रजी माध्यमाच्या शाळांमधील (English medium schools)1 लाख 2 हजार 434 जागांवर लवकरच प्रवेश प्रक्रिया राबवली जाणार आहे.त्यासाठीचे वेळापत्रक शिक्षण विभागाकडून पुढील काही दिवसात प्रसिध्द करण्यात येणार आहे.
RTE मोठी बातमी: शुक्रवारपासून 'आरटीई'चा अर्ज भरता येणार ; सर्वांना पुन्हा अर्ज भरावा लागणार
राज्याच्या शालेय शिक्षण विभागातर्फे दरवर्षी शिक्षण हक्क कायद्याअंतर्गत 25 टक्के आरक्षित जागांवर आरटीई प्रवेश प्रक्रिया राबवली जाते.मात्र, राज्य शासनाने कायद्यात बदल केल्यामुळे केवळ मराठी माध्यमाच्या शासकीय, अनुदानित व स्थानिक स्वराज्य संस्थांच्या शाळांमध्ये प्राधान्याने प्रवेश दिला जात होता.विद्यार्थ्यांच्या घरापासून एक किमी अंतरावर इंग्रजी माध्यमाच्या स्वयंअर्थसहाय्यीत शाळा असूनही या शाळांमध्ये विद्यार्थ्यांना प्रवेशाची संधी उपलब्ध करून देण्यात आली नव्हती.त्यामुळे शासनाच्या या निर्णयाला आव्हान देणारी याचिका मुंबई उच्च न्यायालयात दाखल करण्यात आली होती.न्यायालयाने राज्य शासनाच्या 9 फेब्रुवारी 2024च्या अधिसूचनेला स्थगिती दिली.त्यामुळे जुन्या पध्दतीने इंग्रजी माध्यमाच्या शाळांमध्ये आरटीई प्रवेश प्रक्रिया राबवण्याचा मार्ग मोकळा झाला.
पालक संघटना व सर्व सामान्य पालक यांच्याकडून शासनाने आरटीई प्रवेश प्रक्रियेत केलेल्या बादलाबाबत नाराजी व्यक्त केली होती.मात्र,न्यायालयाने अधिसूचनेला स्थगिती दिली.त्यामुळे आपल्या पाल्यांना पुन्हा इंग्रजी माध्यमाच्या शाळांमध्ये प्रवेश मिळणार असल्याचे समजल्याने पालकांमध्ये उत्साहाचे वातावरण आहे.सुधारित प्रवेश प्रक्रिया केव्हा सुरू होणार ? याकडे पालक डोळे लावून बसले आहेत.तसेच शिक्षण विभागाने सुध्दा नव्याने आरटीई प्रवेश प्रक्रिया राबविण्याबाबत एनआयसीला सूचना दिल्या होत्या.त्यानुसार एनआयसीने आरटीई प्रवेशास पात्र शाळांची संख्या आणि उपलब्ध जागा यांची यादी आरटीई पोर्टलावर प्रसिद्ध केली आहे.
सध्या आरटीई प्रवेशासाठी अर्ज करण्याची लिंक बंद आहे.मात्र,पालकांना पुन्हा नव्याने अर्ज भरण्यासाठी मुदत दिली जाणार आहे.परंतु, अद्याप त्यांची घोषणा झाली नाही.पूर्वी राज्यातील 76 हजार 53 शाळांमधील आरटीईच्या 8 लाख 86 हजार 411 जागांसाठी अर्ज स्वीकारण्यात आले. पालकांकडून सरकारी शाळांच्या प्रवेशाला अल्प प्रतिसाद मिळाला.केवळ 69 हजार 361 पालकांनी आपल्या पाल्याच्या प्रवेशासाठी अर्ज केले .आता इंग्रजी माध्यमाच्या शाळांमध्ये प्रवेश दिला जाणार असल्याने अर्जाच्या संख्येत वाढ होण्याची शक्यता व्यक्त केली जात आहे.
-----------------------------------------------------
आरटीई प्रवेशास पात्र सुधारित शाळांची संख्या व प्रवेशासाठी उपलब्ध जागांची आकडेवारी
जिल्हा शाळांची संख्या उपलब्ध जागा
Ahmadnagar 357 3023
Akola 196 2010
Amravati 231 2369
Aurangabad 573 4441
Bhandara 91 772
Bid 246 2065
Buldana 234 2581
Chandrapur 199 1516
Dhule 108 1138
Gadchiroli 66 484
Gondiya 132 903
Hingoli 113 798
Jalgaon 282 3018
Jalna 301 1920
Kolhapur 324 2990
Latur 214 1857
Mumbai 255 4489
Mumbai 64 1181
Nagpur 654 6918
Nanded 266 2561
Nandurbar 56 423
Nashik 428 5272
Osmanabad 122 1013
Palghar 265 4773
Parbhani 206 1530
Pune 915 15606
Raigarh 264 4008
Ratnagiri 97 812
Sangli 232 1887
Satara 222 1826
Sindhudurg 45 293
Solapur 296 2515
Thane 639 11309
Wardha 126 1214
Washim 109 953
Yavatmal 210 1966
Total 9138 102434
