NEET PG परीक्षा 'या' तारखेला घ्यावी; NBE ची सर्वोच्च न्यायालयाकडे मागणी 

एज्युवार्ता न्यूज नेटवर्क 

सर्वोच्च न्यायालयाने NEET PG परीक्षे संदर्भात मोठा निर्णय घेत ही परीक्षा एकाच शिफ्टमध्ये घेण्याचे आयोजित करण्याचे आदेश दिले होते. परंतु आवश्यक पायाभूत सुविधांअभावी १५ जून रोजी एकाच शिफ्टमध्ये परीक्षा घेणे शक्य नव्हते. त्यामुळे ही परीक्षा तात्पुरती  स्थगित करण्यात आली होती. आता राष्ट्रीय परीक्षा मंडळाने (National Examination Board) NEB सर्वोच्च न्यायालयाकडे ही परीक्षा  ३ ऑगस्ट २०२५ ला घेण्याची परवानगी मागितली आहे. (Permission has been sought from the Supreme Court to conduct the NEET PG
exam on August 3, 2025)
NBE याचिकेनुसार, ही परीक्षा १५ जून रोजी सकाळी ९ ते दुपारी १२:३० वाजेपर्यंत होणार होती, परंतु आता ती ३ ऑगस्ट रोजी एकाच शिफ्टमध्ये घेण्याचा प्रस्ताव आहे. NBE ने माहिती दिली की 'हे करण्यासाठी टाटा कन्सल्टन्सी सर्व्हिसेस (TCS) कडून पुरेशा संख्येने परीक्षा केंद्रांची उपलब्धता निश्चित करण्यात आली होती, परंतु आवश्यक पायाभूत सुविधांअभावी १५ जून रोजी एकाच शिफ्टमध्ये परीक्षा घेणे शक्य नव्हते. टीसीएसने २ जून रोजी एका ईमेलद्वारे कळवले की, एका शिफ्टमध्ये परीक्षा घेण्यासाठी अधिक वेळ लागेल आणि ३ ऑगस्ट २०२५ ही परीक्षा घेण्यासाठी  योग्य तारीख आहे.
एनबीईने असेही सांगितले की परीक्षेसाठी २५० हून अधिक शहरांमध्ये परीक्षा केंद्रे आवश्यक असतील आणि १,००० हून अधिक केंद्रे स्थापन करावी लागतील, ज्यासाठी अधिक वेळ लागेल. यासोबतच, त्यांनी असेही सांगितले की परीक्षा पुढे ढकलल्याने विद्यार्थ्यांवर याचा परिणाम होईल.   "या अनिश्चित काळात" विद्यार्थ्यांना पाठिंबा आणि मदत देण्यासाठी सरकार आणि एनबीई यांच्यात सामूहिक प्रयत्नांची आवश्यकता असेल.

एनबीईने असेही नमूद केले आहे की, 'रेल्वे, अनेक बँका आणि विविध राज्यात देखील  परीक्षा देखील सुरू आहेत. म्हणून, एनबीई ३ ऑगस्ट २०२५ रोजी पहिल्या शिफ्टमध्ये सकाळी ९ ते दुपारी १२:३० या वेळेत परीक्षा घेण्याचा प्रस्ताव ठेवतो.' 

 दरम्यान सर्वोच्च न्यायालयाने ३० मे रोजी १५ जून रोजी NEET PG परीक्षा फक्त एकाच शिफ्टमध्ये घेण्याचा आदेश दिला होता. न्यायालयाने असे निरीक्षण नोंदवले होते की दोन शिफ्टमध्ये परीक्षा घेणे "मनमानी" असू शकते कारण दोन्ही शिफ्टच्या प्रश्नपत्रिकांमध्ये समान काठिण्य पातळी असू शकत नाही.