झेडपीत शिकवा पाणीपट्टी, घरपट्टी माफ; 'या' ग्रामपंचायतींचा अनोखा निर्णय
आता या उपक्रमाचा लाभ घेऊन विद्यार्थ्यांची जिल्हा परिषद शाळेतील संख्या वाढणार का? जिल्हा परिषद शिक्षक आतातरी अध्यापन कौशल्य विकसित करून सक्रिय होणार का? आणि अध्यापन कौशल्याने विद्यार्थी व पालकांची आपल्या शाळेकडे ओढ निर्माण करणार का? हा खरा प्रश्न आहे.
eduvarta@gmail.com 
एज्युवार्ता न्यूज नेटवर्क
आजकाल पालक आपल्या पाल्याचा खाजगी शाळेत प्रवेश घेतात. त्यामुळे स्पर्धेच्या युगात जिल्हा परिषद शाळांना (Zilla Parishad schools) विद्यार्थी (students) मिळणे अवघड झाले आहे. तर अनेक जिल्हा परिषदेच्या शाळा बंद पडण्याच्या मार्गावर आहेत. खासगी शाळांमध्ये मिळणाऱ्या सुविधांमुळे पालकांचा कल खासगी शाळेकडे वाढला आहे. ही परिस्थिती लक्षात घेता, जिल्हा परिषदेच्या शाळा वाचवण्यासाठी पंढरपूर तालुक्यातील कोर्टी (korti pandharpur) तसेच जळगाव जिल्ह्यातील भडगाव मायंबा (bhadgaon, maymba, jalgaon) या ग्रामपंचायतीने पुढाकार घेतला आहे. येथील जिल्हा परिषद शाळेत प्रवेश घेतल्यास घरपट्टी आणि पाणी कर माफ करण्याचा अजब निर्णय घेण्यात आला आहे.
आता या उपक्रमाचा लाभ घेऊन विद्यार्थ्यांची जिल्हा परिषद शाळेतील संख्या वाढणार का? जिल्हा परिषद शिक्षक आतातरी अध्यापन कौशल्य विकसित करून सक्रिय होणार का? आणि अध्यापन कौशल्याने विद्यार्थी व पालकांची आपल्या शाळेकडे ओढ निर्माण करणार का? हा खरा प्रश्न आहे.
खासगी अनुदानित व विनाअनुदानित शाळा तसेच इंग्लिश मीडियम शाळांची संख्या दिवसेंदिवस वाढत चालली आहे. या स्पर्धेत जिल्हा परिषदेच्या शाळा मागे पडत असल्याचे पाहायला मिळत आहे. अर्थात खासगी शाळांमध्ये असलेल्या सुविधा यामुळे पालक वर्ग पाल्यांना जिल्हा परिषद शाळांऐवजी खासगी शाळेत टाकत असतो. यामुळे जिल्हा परिषद शाळांमध्ये पटसंख्या कमी होत आहे. त्यामुळे या निर्णयाचे सगळीकडून स्वागत होत आहे.
